FLASH
Shkruar nga Pamfleti
Organizata Botërore e Shëndetësisë ka ngritur sërish shqetësimin për sigurinë e pacientëve, punonjësve shëndetësorë dhe mijëra njerëzve të strehuar në spitalin al-Quds në qytetin e Gazës. Kjo pasi një sulm izraelit goditi afër spitalit pak më parë, duke plagosur të paktën 14 persona dhe duke dëmtuar ndërtesën.
Me anë të një postimi në platformën “X”, OBSH i bëri thirrje Izraelit për një armëpushim të menjëhershëm.
"Rrethina e Spitalit Al-Quds i është nënshtruar një sulmi të pamëshirshëm dhe të ashpër sot, me forcat izraelite që kanë intensifikuar shënjestrimin e tyre në zonë për më shumë se një javë. Sulmet e forta të artilerisë dhe ajrore nga të gjitha drejtimet kanë plagosur 12 individë të zhvendosur brenda, me katër në gjendje kritike. Të plagosur janë edhe dy pacientë, njëri në ICU dhe 35 të tjerë para spitalit. Granatimet izraelite pranë spitalit janë të vazhdueshme, duke rritur rrezikun e një sulmi të drejtpërdrejtë. PRCS i bën thirrje urgjentisht komunitetit ndërkombëtar të mbrojë ekipet e tij, rreth 500 pacientë dhe mbi 14,000 individë të zhvendosur, kryesisht fëmijë dhe gra. OBSH përsërit thirrjen e saj për një armëpushim të menjëhershëm, mbrojtje aktive të civilëve dhe kujdesit shëndetësor, dhe respekt për të Drejtën Ndërkombëtare Humanitare", tha agjencia.
.@PalestineRCS reports heavy shelling and airstrikes in the vicinity of Al-Quds Hospital. Two patients and 12 people sheltering at the hospital reported injured. The hospital has also sustained damage. @WHO is extremely concerned for the safety of the patients, health workers,… https://t.co/5PKwFVMpGP
— WHO in occupied Palestinian territory (@WHOoPt) November 5, 2023
Kujtojmë se pak kohë më parë OBSH nxori një raport që tregonte se mbi 100 spitale apo qendra të ndihmës shëndetësore ishin goditur nga sulmet izraelite. Por pavarësisht thirrjeve të organizatës duket se Izraeli vazhdon kundërsulmin e tij.
Lini një Përgjigje