Shkruar nga Pamfleti
Presidenti i Turqisë, Rexhep Tayip Erdogan ka përsëritur sot të njëjtin veprim që ka bërë më herët pas tërmetit katastrofik dhe gjithashtu në takimet e tjera që ka pasur me qytetarët gjatë fushatës zgjedhore.
Pasi votoi në shkollën në Stamboll ku kishte emrin në qendrën e votimit, Erdogan nisi të shpërndante para për fëmijët e pranishëm të cilët brohorisnin emrin e tij.
Video e tij duke shpërndarë para fëmijëve po bën xhiro në rrjet, ndërkohë që Turqia pret të mësojë emrin e presidentit të ri.
Erdoğan'ın Üsküdar'da oyunu kullandığı okulun önünde oyuncak ve para dağıttığı görüntüler. pic.twitter.com/mKBNTm25eZ
— Burcu Uğur (@_BurcuUgur_) May 28, 2023
Kujtojmë se procesi i votimit është mbyllur rreth orës 17:00 me atë lokalen dhe pritet që të nisë procesi i numërimit të votave. Pjesëmarrja mësohet se ka qenë e lartë ku mbi 64 milion qytetarë janë regjistruar për të votuar, 1.9 milion prej të cilëve emigrantë.
