FLASH
Shkruar nga Matt K. Lewis
Republikanët po e sfidojnë hapur Donald Trump...
Kontrolli i presidentit Donald Trump mbi Partinë Republikane ka filluar të dobësohet.
Madje republikanët tani po e sfidojnë hapur atë. Njeriu që dikur sundonte Partinë Republikane si një shef kazinoje, nuk mund t’i detyrojë as republikanët e Indianës të bëjnë manipulime zgjedhore.
Së pari erdhi bombardimi i Iranit: një tronditje që nënkupton se "Amerika e Para" mund të nënkuptonte edhe "Izraeli i Parë".
Pastaj erdhi përpjekja për të fshehur dosjet e Jeffrey Epstein, një nocion kaq i huaj për grupin e MAGA-s.
E përbashkëta është ndjesia se ditët e Trumpit janë të numëruara. Pyetja që shtrohet është: "Kush e merr MAGA-n kur babai nuk mund ta përdorë më telekomandën?".
Ka të ngjarë të ketë shumë arsye, por unë kam veçuar pesë që mendoj se janë më të rëndësishmet.
Arsyeja e parë, është se Trump tani është një njeri i dobët dhe të gjithë e dinë këtë.
Përfaqësuesi Thomas Massie, R-Ky., e bëri këtë të qartë kur i paralajmëroi kolegët e tij: "Donald Trump mund t'ju mbrojë në tani... por deri në vitin 2030, ai nuk do të jetë president, dhe ju do të keni votuar për të mbrojtur pedofilët, nëse nuk votoni për publikimin e këtyre dosjeve."
Arsyeja e dytë është, se Trump nuk është popullor. Sipas një sondazhi të ri të Reuters, vlerësimi pozitiv për të është vetëm 38%.
Sipas të njëjtit sondazh, vetëm 20% e të rriturve amerikanë, përfshirë vetëm 44% të republikanëve - miratojnë mënyrën se si Trump i trajton dosjet Epstein.
Së treti, Trump është gjithnjë e më i izoluar nga elektorati që dikur ia përsoste instinktet politike.
Trumpi i viteve 2016-2020 i përdori instinktet e tij politike në tubime. Tani ai është i izoluar fizikisht dhe gjithnjë e më shumë jashtë kontaktit me të tjerët. Rrethi i tij i ngushtë përbëhet nga ideologë dhe miliarderë, të cilët nuk shqetësohen për çmimin e qumështit.
Pra, kur Trump këmbëngul se ekonomia po lulëzon, ndërsa organizon mbrëmje mbrëmjesh me temë Gatsby-n dhe shemb Krahun Lindor të Shtëpisë së Bardhë, populistët i ngrenë sytë nga faturat e tyre të ushqimeve. Kjo krijon divergjenca.
Por arsyeja e katërt ka të bëjë me vdekshmërinë e tij: Trump është personi më i vjetër që ka fituar ndonjëherë presidencën e SHBA-së. Ai ka bërë dy vizita mjekësore "vjetore" këtë vit kalendarik.
Kjo na çon te arsyeja e pestë dhe e fundit pse po fillojnë të shfaqen çarjet: koalicioni i Trumpit në vitin 2024 ishte gjithmonë si një lojë Jenga.
Ishte një aleancë e përshtatshme e fraksioneve dhe individëve të ndryshëm, interesat e të cilëve u bashkuan sepse karizma e Trump ishte si ngjitësi që mbante së bashku copat e papajtueshme. Por, ndërsa kjo forcë lidhëse dobësohet, kontradiktat bëhen të qarta dhe lufta e hapur është e pashmangshme.
Po e shohim se MAGA ka filluar të kuptojë se epoka e Trump po mbaron dhe se beteja e ardhshme ka të bëjë me atë se kush do ta zëvendësojë kur ai të jetë larguar./ Përshtati “Pamfleti”, marrë nga “Timesfreepress”
Lini një Përgjigje