FLASH
Shkruar nga Pamfleti
Kompanitë e transportit detar janë ende të kujdesshme në lidhje me lundrimin nëpër Ngushticën e Hormuzit, pavarësisht pretendimeve nga Irani se ajo është rihapur "plotësisht" sot.
Ndikimet e luftës së Iranit janë ndjerë globalisht, sepse nafta dhe shumë produkte kyçe kalojnë nëpër këtë rrugë ujore vendimtare dhe këto efekte nuk do të pakësohen derisa kompanitë e transportit detar të ndihen të sigurta për të kaluar përsëri.
-Knut Arild Hareide, drejtor ekzekutiv i Shoqatës Norvegjeze të Pronarëve të Anijeve, tha se situata mbetet ende delikate, kjo dhe për shkak të pranisë së minave në Hormuz.
"Nëse kjo përfaqëson një hap drejt një hapjeje, është një zhvillim i mirëpritur. Megjithatë, situata mbetet e pazgjidhur, me një numër pasigurish të pazgjidhura, duke përfshirë pyetje që lidhen me praninë e minave detare, kushtet e zbatueshme iraniane dhe zbatimin praktik. Këto aspekte do të duhet të sqarohen përpara se të mund të vlerësohet ndonjë tranzit", tha Hareide.
Kompania e transportit detar Hapag-Lloyd, tha se po përmbahen për të kaluar në Ngushticë, pasi aktualisht po vlerësojnë situatën dhe rreziqet e mundshme.
"Tani po fillojmë të vlerësojmë situatën e re dhe rreziqet që përfshihen. Prandaj, për momentin, ende po përmbahemi nga kalimi nëpër ngushticë", tha kompania e transportit detar Hapag-Lloyd
Arsenio Dominguez, sekretar i përgjithshëm i Organizatës Ndërkombëtare Detare, tha se po e verifikojnë lajmin e hapjes së Hormuzit me atë çfarë po ndodh në terren.
"Aktualisht po verifikojmë njoftimin e fundit në lidhje me rihapjen e Ngushticës së Hormuzit, në aspektin e përputhshmërisë së saj me lirinë e lundrimit për të gjitha anijet tregtare dhe kalimin e sigurt", tha Dominguez.
Lini një Përgjigje