Shkruar nga Pamfleti
Sekretari amerikan i mbrojtjes, Lloyd Austin është shprehur se Ukraina nuk ka kohë për të humbur dhe për këtë arsye SHBA do të dërgojë armë sa më shpejt që të mundet në qytetin e shkatërruar nga lufta të Bakhmutit.
"Ukraina nuk ka kohë për të humbur. Ne duhet të përmbushim shpejt dhe plotësisht angazhimet tona të premtuara. Kjo përfshin dërgimin e aftësive tona të blinduara në fushën e betejës dhe sigurimin që ushtarët ukrainas të marrin trajnimin, pjesët rezervë dhe mbështetjen e mirëmbajtjes që u nevojiten për të përdorur këto sisteme të reja, sa më shpejt të jetë e mundur", tha ai.
Që nga rimarrja e disa zonave të pushtuara nga Rusia në gjysmën e dytë të 2022, Ukraina ka mbajtur pozicion mbrojtës, duke planifikuar një kundërofensivë më vonë këtë vit pasi toka me baltë të thahet dhe automjetet e blinduara dhe tanket e furnizuara nga perëndimi të mbërrijnë.
Megjithatë, duket se Uashingtoni është gjithnjë e më i shqetësuar për pakësimin e furnizimit të Ukrainës me municione dhe po përpiqet të rrisë shpërndarjen e tij.
