FLASH
Shkruar nga Pamfleti
Garda Revolucionare e Iranit (IRGC) deklaroi se sulmi ndaj ndërtesës gjigante ishte një hakmarrje ndaj goditjeve të Shteteve të Bashkuara dhe Izraelit ndaj zonës bankare në Teheran.
Një qiellgërvishtës luksoz në lagjen Al-Badaa të Dubait është goditur nga një dron.
Garda Revolucionare e Iranit (IRGC) deklaroi se sulmi ishte një hakmarrje ndaj goditjeve të Shteteve të Bashkuara dhe Izraelit ndaj zonës bankare në Teheran.
Për shkak të kërcënimeve ndaj sigurisë, disa degë rajonale të Citibank në Emiratet e Bashkuara Arabe kanë pezulluar përkohësisht disa nga operacionet e tyre, duke marrë masa për mbrojtjen e stafit dhe klientëve.
Autoritetet lokale po vijojnë hetimet për të përcaktuar shtrirjen e dëmeve dhe origjinën e sulmit.
Videoja e shpërndarë tregon pamjet e sulmit të supozuar ndaj ndërtesës luksoze, që krijoi pak panik në zonë.
Iran announces attack on American banks in the Middle East
— NEXTA (@nexta_tv) March 14, 2026
A Citibank branch in Dubai was attacked by drones. The IRGC stated that this was in retaliation for U.S. and Israeli strikes on the banking district in Tehran.
In response to security threats, regional Citibank branches… pic.twitter.com/Qeti87jaHq
Irani paralajmëroi se do t’i përgjigjet çdo sulmi që synon infrastrukturën e tij energjetike, duke përfshirë mundësinë e goditjes së objekteve të kompanive amerikane në Lindjen e Mesme.
Ministri i Jashtëm iranian, Abbas Araghchi tha se nëse objektet energjetike të Iranit bëhen objekt sulmi, forcat iraniane mund të synojnë instalime të kompanive amerikane në rajon ose kompani ku Shtetet e Bashkuara kanë pjesëmarrje aksionare.
Sipas tij, Irani do të tregojë kujdes në veprimet e mundshme ushtarake për të shmangur goditjen e zonave me popullsi të dendur gjatë sulmeve hakmarrëse.
Araghchi foli edhe për situatën në Ngushticën e Hormuzit, një rrugë detare strategjike që lidh Gjirin Persik me Oqeanin Indian. Ai tha se ngushtica mbetet e hapur, por Irani nuk do të lejojë kalimin e cisternave të naftës dhe anijeve që i konsideron armiqësore, si dhe të aleatëve të tyre.
Rreth 20 për qind e tregtisë botërore të naftës kalon përmes kësaj rruge detare, çka e bën çdo zhvillim në zonë me ndikim të drejtpërdrejtë në tregjet globale të energjisë.
Lini një Përgjigje