Ambasadorja e SHBA në Moskë, Lynne Tracy, vizitoi për herë të parë këtë të hënën reporterin e arrestuar të Wall Street Journal, Evan Gershkovich.
Ambasadorja Tracy tha se takoi gazetarin dhe kërkoi te autoritetet lirim e tij sa më shpejt të jetë e mundur.
“Kam vizituar Evan Gershkovich të WSJ-së sot në burgun Lefortovo – hera e parë që na është lejuar aksesi që nga ndalimi i tij i gabuar më shumë se dy javë më parë. Ai është në gjendje të mirë shëndetësore dhe mbetet i fortë. Ne përsërisim thirrjen tonë për lirimin e tij të menjëhershëm”, thuhet në postim.
#AmbTracy: I visited @WSJ’s Evan #Gershkovich today at Lefortovo Prison - the first time we've been permitted access to him since his wrongful detention more than two weeks ago. He is in good health and remains strong. We reiterate our call for his immediate release. #FreeEvan
— Посольство США в РФ/ U.S. Embassy Russia (@USEmbRu) April 17, 2023
SHBA-ja e cilësoi Gershkoviçin si të arrestuar gabimisht në fillim të këtij muaji, gjë që i jep mbështetje të mëtejshme pohimeve të qeverisë amerikane dhe Wall Street Journal se akuzat për spiunazh kundër reporterit janë të pabaza.
Ai gjithashtu do të fuqizojë administratën Biden për të eksploruar rrugë të tilla si shkëmbimi i të burgosurve në përpjekje për të siguruar lirimin e Gershkovich.