FLASH
Shkruar nga Pamfleti
Një zjarr shpërtheu mëngjesin e së premtes, më 13 shkurt, në një ndërtesë dykatëshe në Budapest , konkretisht në zonën Budakeszi. Si pasojë e flakëve, 3 persona kanë humbur jetën dhe dhjetëra të tjerë të plagosur.
Çatia e ndërtesës, e cila përdorej si akomodim për punëtorët, u shemb dhe trupat e dy burrave dhe një gruaje u gjetën në rrënoja. Ekipet e shpëtimit shpëtuan gjithashtu 27 të mbijetuar dhe hoqën tre bombola gazi.
Sipas zëdhënësit të Departamentit të Zjarrfikësve të Qarkut Pest , "më shumë se 50 profesionistë dhe vullnetarë vendas mbërritën me automjete zjarrfikëse, ndërsa shpërtheu zjarri. Zjarrfikësit menjëherë filluan të shuajnë zjarrin, për të parandaluar përhapjen e mëtejshme të tij".
Zjarri shpërtheu në orët e para të mëngjesit dhe u shua menjëherë pas kësaj nga zjarrfikësit, sipas Drejtorisë së Përgjithshme Kombëtare të Hungarisë për Menaxhimin e Fatkeqësive.
Nga ana e saj, zëdhënësja e Shtabit të Policisë së Qarkut Pest tha se "sipas të dhënave paraprake, 15 persona pësuan lëndime të lehta, tre rëndë, katër janë në gjendje kritike në spital dhe tre persona humbën jetën si pasojë e zjarrit".
Hetimet deri më tani tregojnë se mund të ketë pasur disa parregullsi në vend, ndoshta duke përfshirë furnizim të paligjshëm me gaz.
Lini një Përgjigje