FLASH
Shkruar nga Pamfleti
Kleviol Ahmeti, reperi dhe personazhi i njohur në TikTok me emrin “Cllevio”, është paraqitur në Gjykatën e Posaçme për të dëshmuar në procesin gjyqësor ndaj të akuzuarve si pjesë e grupit kriminal të drejtuar nga Laert Haxhiu.
Dy javë më parë, në të njëjtin proces dëshmoi edhe Bashkim Rajku, babai i reperit Rigels Rajku, i njohur si “Noizy”.
Gjatë dëshmisë së tij, Rajku foli për shpërthimin me lëndë plasëse në biznesin e tij në Durrës, ngjarje e ndodhur në qershor të vitit 2022, nga e cila u shkaktuan vetëm dëme materiale.
Në proces po gjykohen nëntë të pandehur, të akuzuar si pjesë e grupit kriminal të drejtuar nga Laert Haxhiu.
Thirrja e Clevios dyshohet se ka të bëjë me tritolin e vendosur ndaj njërit prej bizneseve të reperit Noizy. Lidhur me këtë ngjarje ka hedhur dritë i penduari i drejtësisë Artan Tafani, ish-pjesë e bandës së Laert Haxhiut.
Tafani dëshmoi se tritoli u vendos me urdhër të Haxhiut, pasi ia kishte kërkuar e ëma e Clevios të bënin diçka ndaj Noizy. Kjo pasi, Noizy dhe Clevio ishin përfshirë në një sherr kohë më parë në Durrës.
Lini një Përgjigje