FLASH
Shkruar nga Pamfleti
Garda Revolucionare Islamike e Iranit (IRGC) ka marrë përgjegjësinë për një sulm me raketa balistike ndaj bazës ajrore amerikane Al-Azraq, e njohur edhe si Muwaffaq Salti Air Base, në Jordani, duke e cilësuar atë si pjesë të një operacioni hakmarrës ndaj SHBA-së.
Sipas deklaratës së IRGC-së, forcat ajrore iraniane goditën bazë, duke shkatërruar strehimore që strehonin avionë luftarakë amerikanë të tipit F-15, F-16 dhe F-35, si dhe disa dronë strategjikë. IRGC pretendon se “një pjesë e konsiderueshme” e operacioneve ushtarake amerikane kundër Iranit niste nga territori jordanez.
Deklarata thekson se Jordania duhet t’i japë fund pranisë së forcave amerikane në vendin e saj dhe të mos lejojë që territori i saj të përdoret si “pikë nisjeje” për sulme në rajonin e Lindjes së Mesme.
IRGC paralajmëroi se është gati për përgjigje “vendimtare dhe shkatërruese” ndaj çdo agresioni të mëtejshëm amerikan. Sipas burimeve iraniane, ky sulm vjen si përgjigje ndaj sulmeve të fundit të SHBA-së në rajon, përfshirë goditje pranë Ngushticës së Hormuzit. IRGC tha se ka shënjestruar gjithashtu objekte të Flotës së Pestë amerikane në Bahrein dhe baza në Kuvajt.
Lini një Përgjigje