FLASH
Shkruar nga Pamfleti
Presidenti i Shteteve të Bashkuara, Donald Trump, mbërriti në Évian-les-Bains të Francës për të marrë pjesë në samitin e G7, ku do të zhvillojë takime me liderët e vendeve më të industrializuara të botës.
Pas uljes, Trump u drejtua drejt Hotel Royal, ku po zhvillohen punimet e samitit. Duke folur shkurtimisht para gazetarëve të pranishëm, ai komentoi vendin mikpritës me fjalët: “Gjithçka është shumë e bukur”.
Gjatë udhëtimit me avionin presidencial Air Force One drejt Francës, Trump publikoi edhe një mesazh në platformën e tij Truth Social, ku kritikoi politikat e emigracionit të disa vendeve perëndimore.
“Nëse importon njerëz nga vendet e Botës së Tretë, shumë shpejt bëhesh vetë Bota e Tretë. Dhe nuk mund të bësh asgjë për ta ndryshuar këtë”, shkroi presidenti amerikan.
Deklarata vjen në një moment kur emigracioni pritet të jetë një nga temat e diskutimit mes liderëve të G7. Trump ka kritikuar vazhdimisht gjatë muajve të fundit politikat e emigracionit të disa vendeve evropiane, duke argumentuar se ato kanë ndikim negativ në sigurinë dhe ekonominë e tyre.
Lini një Përgjigje