FLASH
Shkruar nga Pamfleti
Një ngjarje e rëndë ka ndodhur gjatë natës në dalje të Fushë Krujës, ku një 18-vjeçar ka mbetur i plagosur rëndë pas një aksidenti rrugor. Viktima, Irdi Laçi, ishte ndalur në mes të rrugës pasi automjeti i tij ishte fikur papritur. Ai po përpiqej të ndizte sërish makinën, kur një tjetër automjet e ka goditur me shpejtësi.
Burime nga vendngjarja bëjnë me dije se përplasja ka qenë e fortë, ndërsa i riu është transportuar menjëherë drejt Spitalit të Traumës në Tiranë, ku ndodhet në gjendje kritike. Identiteti i drejtuesit të mjetit që shkaktoi aksidentin nuk është bërë ende publik.
Policia ka nisur hetimet për të zbardhur dinamikën e plotë të aksidentit dhe për të përcaktuar nëse ka pasur shkelje të rregullave të qarkullimit rrugor.
Lini një Përgjigje