FLASH
Shkruar nga Pamfleti
31-vjeçari Ted Marku, banues në Lezhë, është arrestuar nga Policia pasi u kap duke qarkulluar i armatosur në rrethrrotullimin e Rinasit.
Sipas policisë, gjatë kontrollit në automjetin e tij, efektivët gjetën në një çantë dore një pistoletë me një krehër me municion luftarak. Arma dhe municioni u sekuestruan si prova materiale.
Pas arrestimit, ndaj Ted Markut nisi procedimi penal për veprën "Prodhimi dhe mbajtja pa leje e armëve, armëve luftarake dhe e municionit", ndërsa dosja i kaloi Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme.
"Finalizohet operacioni policor i koduar “Black 2”. Qarkullonte i armatosur me armë zjarri pistoletë, kapet në rrethrrotullimin e Rinasit nga shërbimet e Forcës së Posaçme “Shqiponja”, në bashkëpunim me Komisariatin e Policisë Krujë, një 31-vjeçar nga Lezha.
Sekuestrohen arma e zjarrit pistoletë dhe municion luftarak. Shërbimet e Forcës së Posaçme “Shqiponja”, në bashkëpunim me Komisariatin e Policisë Krujë, bazuar në informacionet operative për një shtetas që qarkullonte i armatosur, në kuadër të operacionit policor të koduar “Black 2”, e lokalizuan atë në rrethrrotullimin e Rinasit, ku e kapën dhe e arrestuan në flagrancë shtetasin T. M., 31 vjeç, banues në Lezhë. Gjatë kontrollit të ushtruar në automjetin me të cilin ai qarkullonte, shërbimet e Policisë gjetën në një çantë dore një armë zjarri pistoletë, me një krehër me municion. Arma e zjarrit dhe municioni u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprën penale “Prodhimi dhe mbajtja pa leje e armëve, armëve luftarake dhe e municionit”, njoftoi policia.
Lini një Përgjigje