Bei dem Anschlag, der die Welt schockierte, verschonten die Terroristen nicht einmal Kinder.

Zbardhen detaje të reja nga sulmi terrorist në plazhin Bondi në Australi ku mbetën të vrarë 16 persona dhe 40 të tjerë të plagosur.

Policia njofton se fëmija që u konfirmua i vdekur pak më parë ishte një vajzë 10-vjeçare. Ajo ishte një nga dy personat që vdiqën në spital, së bashku me një burrë 40-vjeçar. Ndërsa 13 personat e tjera ndërruan jetë në vendngjarje.

Një total prej 42 personash u dërguan në spital pas sulmit, përfshirë katër fëmijë. Pesë persona ndodhen në gjendje kritike, ndërsa të tjerët mbeten në gjendje të rëndë dhe disa në gjendje stabël.

Policia dha gjithashtu më shumë detaje mbi autorin e ngjarjes, i cili u vra nga oficerët në vendngjarje, duke thënë se ai ishte një burrë 50-vjeçar.

Disa oficerë shkëmbyen zjarr me dy autorët, ndërsa dy prej tyre mbetën të plagosur.  Personi tjetër që qëlloi me armë, një 24-vjeçar, u plagos rëndë dhe u dërgua në spital nën mbikëqyrjen e policisë.

Oficerët e policisë kanë gjetur dhe sekuestruar tre armë zjarri në vendngjarje.

Pamje nga sulmi

16 persona të vdekur dhe 40 të plagosur është bilanci i sulmit terrorist në Australi, në plazhin Bondi, Sidney.

Ministri i Shëndetësisë i Uellsit të Ri Jugor, Ryan Park, njoftoi se numri i personave që kanë humbur jetën nga të shtënat me armë në plazhin Bondi, në Sidney, ka shkuar në 16. Mes viktimave, edhe një fëmijë. Ndërkohë, numri i personave që mbetën të plagosur ka shkuar në 40.

Sulmi ndodhi në kohën kur në zonë po zhvillohej një aktivitet për fillimin e festës hebraike Hanuka, ndërsa policia konfirmon se ngjarja po trajtohet si një akt terrorist.

Sipas Ryan Park, i cili foli për televizionin publik ABC, numri i viktimave është rritur në 16, megjithatë ende nuk dihet nëse ky bilanc përfshin ndonjërin nga autorët e dyshuar.

Policia deklaroi më herët se një nga sulmuesit u vra, ndërsa një tjetër ndodhet në gjendje kritike.

Ministri i Shëndetësisë shtoi gjithashtu se katër fëmijë u dërguan në spital pas sulmit në Bondi Beach, disa prej të cilëve janë në gjendje shumë të rëndë.

“Shpresojmë dhe lutemi që këta njerëz t’ia dalin në orët në vijim”, deklaroi ministri i Shëndetësisë.

Të paktën 12 persona humbën jetën dhe rreth 30 të tjerë u plagosën si pasojë e një sulmi terrorist gjatë një feste hebraike në plazhin Bondi të Sidnejt. Sulmi, i cilësuar si terrorist nga Australia, është dënuar nga e gjithë bota.

Por mediat izraelite raportojnë se sulmi ishte paralajmëruar nga shërbimi sekret izraelit Mossad, madje autoriteteve australiane i ishin dhënë njoftime në muajt e fundit. Në anën tjetër, zyrtarë të policisë autraliane mohojnë që të kenë pasur në dispozicion informacione të tilla.

Media izraelite Jerusalem Post shkruan se Mossadi e ka paralajmëruar Australinë rregullisht për muaj të tërë rreth komploteve terroriste.

Që në gusht, Mossadi i dha paralajmërime të dobishme Australisë në lidhje me kërcënimet terroriste nga Irani.

Kryeministri australian Anthony Albanese dhe shefi i inteligjencës australiane Mike Burgess kanë diskutuar publikisht kërcënimin nga Irani dhe të tjerët kundër komunitetit vendas hebre.

Ndonjëherë, ata madje janë referuar edhe te inteligjenca e dobishme që kanë marrë nga palë të treta për të luftuar fenomenin.

Pavarësisht dështimit të Australisë për të parandaluar sulmin terrorist të së dielës, nuk kishte konfirmim që Mossadi paralajmëroi posaçërisht për sulmin terrorist të së dielës; përkundrazi, theksi ishte në një sërë paralajmërimesh me kalimin e kohës në lidhje me valën në rritje dhe infrastrukturën terroriste që po ndërtohej në Australi.

Në fakt, burimet treguan se bashkëpunimi i Mossadit me inteligjencën australiane ka qenë i shkëlqyer, edhe kur marrëdhëniet midis kryeministrave të dy vendeve kanë qenë të dobëta.

Në gusht, zyrtarët e Albanese dhe të zbatimit të ligjit pretenduan në një konferencë për shtyp se Republika Islamike ishte truri pas të paktën dy sulmeve të mëdha zjarrvënëse antisemite në Australi dhe ka të ngjarë të jetë përgjegjëse për më shumë incidente në mesin e një vale episodesh anti-hebraike në vend që nga masakra e 7 tetorit. Albanese deklaroi më tej se, si pasojë, ambasadori iranian në Australi do të dëbohej dhe Trupat e Gardës Revolucionare Islamike do të ligjëroheshin si një organizatë terroriste.

Organizata Australiane e Inteligjencës së Sigurisë kishte mbledhur të dhëna të mjaftueshme për të përcaktuar se regjimi islamik kishte drejtuar sulmin me zjarrvënie në sinagogën Adass Israel më 6 dhjetor 2024 në Melbourne dhe sulmin me zjarrvënie në kuzhinën Continental të Leëis më 20 tetor 2024 në Sydney.

“Këto ishin akte të jashtëzakonshme dhe të rrezikshme agresioni të orkestruara nga një komb i huaj në tokën australiane”, tha Albanese.

Mbreti Charles tha se ai dhe Mbretëresha Camilla janë “të tmerruar dhe të trishtuar nga sulmi më i terrorist antisemit” që shënjestroi komunitetin hebre në Bondi Beach në ditën e parë të Hanukkah.

Në një mesazh dërguar popullit australian, monarku shprehet se "zemrat tona janë me të gjithë ata që janë prekur, përfshirë oficerët e policisë që u plagosën teksa mbronin anëtarët e komunitetit të tyre”.

 Ai vlerësoi gjithashtu komunitetin dhe mbështetjen që treguan ndaj të prekurve në Australi, duke shtuar se drita e festivalit Hanukkah do të triumfojë gjithmonë mbi errësirën e një të keqeje të tillë.

“Në kohë dhimbjeje, australianët gjithmonë bashkohen në unitet dhe vendosmëri. E di që fryma e komunitetit dhe dashurisë që shkëlqen kaq fort në Australi dhe drita në zemër të festivalit të Hanukës do të triumfojë gjithmonë mbi errësirën e një të keqeje të tillë”, tha ai.

Princi William dhe Princesha Catherine e Uellsit dërguan gjithashtu një mesazh, duke thënë se "mendimet e tyre janë me çdo australian sot".

Ata shprehën ngushëllimet për viktimat dhe persona e plagosur, duke thënë se mendimet e tyre janë me popullin australian dhe me familjet e prekura.

Pamje nga ngjarja

12 persona kanë mbetur të vrarë përfshirë një nga autorët, dhe 29 të tjerë janë plagosur. 

Sulmi terrorist në Australi i cili ndodhi pasditen e së dielës në një nga plazhet më të njohura të vendit, gjatë festimit të Hanukkah, deri më tani raportohet për 12 persona të vrarë, përfshirë një nga autorët, dhe 29 të plagosur. Ky është sulmi më vdekjeprurës në vend që nga prilli i vitit 1996, kur 35 persona u vranë dhe 23 u plagosën në një sulm me armë në Port Arthur, Tasmani.

Raportohet se rreth 1,000 njerëz kanë qenë në plazh kur terroristët e armatosur hapën zjarr, duke qëlluar me breshëri për më shumë se 10 minuta, ndërsa pamjet nga vendi i ngjarjes janë tronditëse, megjithëse kishte oficerë policie aty pranë.

Në video shihen dy terroristët, teksa njëri prej të cilëve kishte një pushkë gjahu, duke qëlluar nga një urë drejt njerëzve, përfshirë fëmijë të vegjël.

Një i mbijetuar izraelito-australian tha se të shtënat vazhduan për 20 minuta.

"Njëzet minuta me katër policë atje, askush nuk u përgjigj me zjarr. Asgjë, sikur ishin të ngrirë", tha dëshmitari, i cili tregoi se mbuloi fëmijët e tij me trupin e tij ndërsa shikonte ngjarjen e tmerrshme.

"Katër policë atje nuk u përgjigjën me zjarr. Nuk e kuptoj pse. Ata po shënjestronin të gjithë hebrenjtë. Burrat, të moshuarit, fëmijët, të gjithë. Nuk ka rëndësi", u shpreh ai.

Vetëm kur një shitës frutash vendas, në një përpjekje heroike çarmatosi një nga terroristët, policia u shfaq për t'iu kundërpërgjigjur zjarrit.

Njëri nga terroristët, i veshur me të zeza, bie papritmas përtokë. Terroristi tjetër shihet më vonë i rrethuar nga oficerët e policisë ndërsa bërtet "mos qëlloni".

Një video tjetër tregon një të mbijetuar i cili shqelmon autorin e dyshuar në kokë ndërsa ai është shtrirë në tokë me pranga, përpara se policia ta shtyjë.

Pamjet e mëtejshme tregojnë një hero që çarmatos një nga terroristët përpara se t’i drejtojë armën e tij.

Një video e postuar në rrjetet sociale filmoi një burrë duke u fshehur pas makinave përpara se të sulmonte njërin prej personave të armatosur, duke i rrëmbyer armën nga duart dhe duke ia drejtuar atij teksa largohej me makinë.

Narvid Akram, një burrë nga Bonnyrigg e Sidneit, është identifikuar si një nga personat e armatosur, raportoi ABC, duke cituar një burim të lartë të paidentifikuar policor. Autoritetet thuhet se bastisën shtëpinë e Akramit pas të shtënave.

Policia njoftoi se njëri nga personat e armatosur ishte në listën e mbikëqyrjes së Organizatës Australiane të Inteligjencës së Sigurisë (ASIO), por nuk konsiderohej një "kërcënim i menjëhershëm".

Policia tha gjithashtu se nuk kishte kërcënim aktiv, por i paralajmëroi njerëzit të qëndronin larg zonës ndërsa po punonin për të çaktivizuar disa pajisje shpërthyese të improvizuara. Pajisjet u gjetën të shpërndara përreth zonës së të shtënave dhe brenda makinës së të dyshuarve për terrorizëm.

Kryeministri australian Anthony Albanese dënoi ashpër sulmin teksa e cilësoi si të neveritshëm dhe një moment të errët për kombin.

"Ky është një sulm i synuar kundër australianëve hebrenj në ditën e parë të Hanukkah, e cila duhet të jetë një ditë gëzimi, një festë besimi", tha Albanese në një konferencë për shtyp në Canberra.

"Një akt antisemitizmi satanik, terrorizmi që ka goditur në zemër të kombit tonë. Një sulm ndaj australianëve hebrenj është një sulm ndaj çdo australiani dhe çdo australian sonte do të jetë, ashtu si unë, i shkatërruar nga ky sulm ndaj mënyrës sonë të jetesës. Nuk ka vend për këtë urrejtje, dhunë dhe terrorizëm në kombin tonë. Më lejoni të jem i qartë, ne do ta zhdukim atë”, shtoi ai.

Ndërsa presidenti izraelit Isaac Herzog e cilësoi tragjedinë një sulm mizor ndaj hebrenjve./ Përgatiti "Pamfleti"

Ahmedi, personi që çarmatosi sulmuesin në Australi

Ai ishte fshehur pas një makine për të vlerësuar situatën. Pastaj bëri ndërhyrjen e tij vendimtare: imobilizoi dhe çarmatosi njërin nga dy sulmuesit që kishin hapur zjarr gjatë një festimi të Hanukkah-ut, ku mbetën të vdekur të paktën 12 persona.

Ai priti momentin e duhur, duke u fshehur pas një makine të parkuar, ndërsa të shtënat kishin krijuar panik në turmë.

Pastaj, me një qetësi të jashtëzakonshme, ai iu hodh njërit prej sulmuesve, duke arritur ta nënshtronte dhe t'i merrte pushkën.

Personi që shpallet si hero është Ahmedi, një arab australian që drejton një lokal.

Ahmeti i plagosur, por një hero

Burri që çarmatosi njërin nga dy sulmuesit në Bondi Beach u qëllua dy herë . Ai tani është në spital dhe do t'i nënshtrohet një ndërhyrjeje kirurgjikale, por pritet të jetë mirë. 

7 News raportoi lajmin pasi e identifikoi atë pas intervistimit të kushëririt të tij, Mustafës.

Ahmed al Ahmed, është 43 vjeç, i martuar dhe baba i dy fëmijëve. Ai u qëllua me dy plumba në krah.

Ahmedi çarmatosi njërin nga dy personat e armatosur, i cili, siç mund të shihet në imazhet e postuara në internet, më pas u largua drejt sulmuesit tjetër. Ky i fundit më pas qëlloi në drejtim të tij, duke e goditur me shumë gjasa Ahmedin.

"Ai është ende në spital dhe ne nuk e dimë çfarë po ndodh brenda", tha kushëriri i tij, i intervistuar jashtë spitalit, duke shtuar se “mjekët thanë se do të jetë mirë".

"Do të na lejojnë të shkojmë ta shohim brenda dy orëve të ardhshme. Ai ka nevojë për operacion, por shpresojmë se do të jetë mirë. Ahmeti është një hero, 100% një hero, sepse ajo që shohim në rrjetet sociale tregon se është 100% një hero!", shtoi ai.

Pasi e çarmatosi sulmuesin dhe e shtyu përtokë, burri e mbajti situatën nën kontroll, duke ia drejtuar armën sulmuesit dhe duke telefonuar menjëherë policinë në celular. Pamjet e skenës, të kapura nga disa kalimtarë, u bënë shpejt virale në mediat sociale.

Ndërhyrja e tij i lejoi forcat e rendit të arrestonin njërin nga dy autorët e sulmit. Sipas vlerësimeve paraprake, ende të përkohshme, të shtënat rezultuan me të paktën 12 të vdekur, si dhe shumë të plagosur. Operacionet e sigurisë dhe të shpëtimit vazhduan për orë të tëra përgjatë gjithë zonës së plazhit.

Presidentja e KE, Ursula von der Leyen ka reaguar lidhur me sulmin tragjik ka ndodhur në plazhin Bondi në Sydney, plazhin më të famshëm të Australisë.

Ajo tha se u trondit nga të shtënat vdekjeprurëse në plazhin ikonik Bondi të Sidneit. Diplomatja më e lartë e bllokut dënoi ashpër aktin dhe e cilësoi si “akt të tmerrshëm dhune” kundër komunitetit hebre.

Ajo thekson se Evropa qëndron përkrah Australisë dhe komuniteteve hebraike kudo që janë

“Evropa qëndron përkrah Australisë dhe komuniteteve hebraike kudo që janë. Ne jemi të bashkuar kundër dhunës, antisemitizmit dhe urrejtjes. Ky akt i tmerrshëm dhune kundër komunitetit hebre duhet të dënohet pa mëdyshje”, shkroi Von der Leyen në “X”.

12 persona mbetën të vrarë dhe 29 të tjerë janë plagosur pas disa të shtënave me armë në plazhin Bondi të Australisë, e cila kishte në shënjestër komunitetin hebre. Sulmi, i cili ndodhi teksa qindra njerëz u mblodhën për të festuar ditën e parë të Hanukkah, është cilësuar si sulm terrorist.

Momenti kur një civil çarmatos terroristin

Një sulm terrorist ndodhi në Australi, në plazhin Bondi, ku dy persona të armatosur, hapën zjarr ndaj turmave, duke shkaktuar minimalisht 12 të vdekur dhe rreth 30 të plagosur.

Mes të plagosurve janë edhe dy oficerë.  

Së fundmi janë publikuar pamje të reja rreth asaj që ka ndodhur, ndërsa ka një video duke një person civil, i cili konsiderohet hero, i cili ka çarmatosur një nga terroristët.

Nga videot e publikuara, personi civil, i shkon nga pas terroristit, përleshet disa sekonda dhe arrin ti marrë armën.

Pamjet e pabesueshme tregojnë burrin, e veshur me një këmishë blu të çelët dhe pantallona të zeza, i ulur pas një automjeti të parkuar pranë personit të armatosur, i cili është përballë tij dhe qëllon me armën e tij.

Menjëherë pasi personi i armatosur qëllon, burri me bluzë blu vjen nga pas, e kap nga qafa, ndërsa përpiqet t’i rrëmbejë armën e zjarrit.

Personi që po regjistron momentet merr frymë thellë dhe thërret "o Zot", ndërsa burri me bluzë blu ia heq armën nga duart qëlluesit dhe e shtyn personin e armatosur përtokë.

Pastaj ai e kthen armën dhe e drejton nga personi që qëllon, i cili bie në gjunjë dhe kthehet për të parë burrin me bluzë blu.

Të shtëna me armë zjarri mund të dëgjohen gjatë gjithë videos, me sa duket nga një person i dytë që qëllon i pozicionuar në një urë aty pranë.

Një tjetër kalimtar e regjistron incidentin nga një kënd pak më ndryshe, duke treguar një person tjetër të veshur me bluzë të kuqe që vrapon drejt burrit me bluzë blu, me sa duket për të ndihmuar, ndërsa një grua bërtet në sfond, "jo".

Burri me bluzë blu i afrohet personit që ka qëlluar tashmë të çarmatosur me armën e drejtuar në drejtim të tij, ndërsa personi i dytë bie përtokë. 

Personi që qëllon ngrihet në këmbë dhe tenton të largohet, duke u kthyer për të parë shkurtimisht burrin me bluzë blu i cili ende ia drejton armën.

Personazhi që ka qëlluar me armë duket se ka veshur një lloj jeleku dhe ka një çantë të varur mbi shpatulla.

Burri me bluzë blu ngre dorën lart, si për të treguar trimfin, përpara se ta vendosë armën në një pemë.

Personi që qëllon, i cili është ndalur pas një shtylle metalike, vazhdon ta shikojë burrin me bluzë blu.

Çuditërisht, një person i dytë, i cili gjithashtu duket si civil, vrapon drejt të shtënave drejt personit që qëllon, tani i paarmatosur, dhe i hedh një objekt.

Pamja më pas zhvendoset drejt urës për të treguar personin e dytë që vazhdon të qëllojë ndërsa përkulet për t'u fshehur ndërsa dëgjohet një tjetër e shtënë me armë.

Një ngjarje e rëndë terroriste tronditi Sydney-n të dielën, kur dy persona të armatosur hapën zjarr kundër një turme që po festonte Hanukkah në plazhin e famshëm të Bondi Beach.

Autoritetet australiane kanë konfirmuar se ngjarja është një akt terrorist i synuar drejt komunitetit hebre dhe se deri tani të paktën 12 persona kanë humbur jetën dhe 29 të tjerë janë plagosur, përfshirë dy oficerë policie. Një nga sulmuesit është vrarë në vendngjarje nga policia, ndërsa tjetri është arrestuar në gjendje kritike dhe po mbahet në spital për trajtim mjekësor.

Policia e New South Wales e ka shpallur këtë ngjarje si një incident terrorist, ndërkohë që hetimet vazhdojnë për të verifikuar nëse sulmuesit kishin bashkëpunëtorë të tjerë dhe për të përcaktuar motivet e plota të sulmit. Autoritetet gjithashtu kanë gjetur dhe çaktivizuar pajisje shpërthyese të improvizuara brenda një automjeti të lidhur me sulmuesit, duke theksuar rrezikun e mëtejshëm që kishte kërcënuar zonën.

Ngjarja ndodhi në një aktivitet të quajtur “Chanukah by the Sea 2025”, i organizuar nga organizata Chabad e Bondit, ku morën pjesë mijëra anëtarë të komunitetit hebre dhe qytetarë të tjerë. Pamjet dhe dëshmitë e mbledhura tregojnë se dy persona të veshur me të zeza qëlluan disa herë drejt turmës nga një urë pranë Campbell Parade, duke shkaktuar panik dhe kaos ndër të pranishmit që u përpoqën të strehoheshin apo të largoheshin.

Reagimet e qeverisë dhe udhëheqësve lokalë

Kryeministri australian Anthony Albanese e dënoi sulmin si akt mizor dhe të papranueshëm terrorizmi, duke shprehur ngushëllimet e tij për viktimat dhe familjet e tyre. Ai theksoi se qeveria do të përdorë të gjitha mjetet për të mbrojtur sigurinë e komuniteteve dhe për të ndihmuar të plagosurit.

Kryeministri i New South Wales, Chris Minns, theksoi se motivi ishte përzierje e urrejtjes dhe terrorizmit, duke bërë thirrje për unitet kombëtar dhe reagim të fuqishëm ndaj dhunës.

Liderë të opozitës dhe figura politike të ndryshme dënuan ngjarjen dhe mirëpritën apelimet për qetësi dhe solidaritet mes komuniteteve.

Reagime nga komuniteti hebre dhe shoqëria civile

Liderë të komunitetit hebre në Australi shprehën dhimbje dhe pasiguri për të ardhmen, duke nënvizuar se sulmi prek ndjenjën e sigurisë së komuniteteve fetare. Përfaqësues të organizatave hebraike thanë se incidenti ishte një goditje tragjike teksa festohej Hanukkah, një festë që simbolizon dritën dhe bashkimin.

Organizatat fetare të komuniteteve të tjera, përfshirë Këshillin Kombëtar të Imamëve në Australi, dënuan gjithashtu sulmin dhe bënë thirrje për bashkëpunim ndër-fetar dhe unitet, duke refuzuar dhunën në çdo formë dhe duke ofruar mbështetje për viktimat dhe familjet e tyre.

Reagime ndërkombëtare dhe solidaritet global

Ngjarja ka shkaktuar reagime të shumta edhe nga komuniteti ndërkombëtar. Liderë të vendeve perëndimore kanë dënuar ashpër sulmin dhe kanë shprehur mbështetjen për Australinë dhe komunitetin hebre.

Kryeministri i Mbretërisë së Bashkuar, ministrat izraelitë dhe figura nga Bashkimi Evropian dhe SHBA kanë shprehur solidaritet me Australinë dhe kanë bërë thirrje për intensifikimin e luftës kundër antisemitizmit dhe ekstremizmit të dhunshëm.

Situata e sigurisë dhe hetimet vazhdojnë

Autoritetet po vijojnë hetimet intensive për të identifikuar lidhjet e mundshme të sulmuesve me grupe ekstremiste. Drejtori i Shërbimit të Zbulimit Australian ka bërë të ditur se njëri prej sulmuesve ishte i njohur nga shërbimet e sigurisë, por nuk konsiderohej kërcënim i menjëhershëm përpara sulmit.

Policia dhe shërbimet e emergjencës kanë forcuar praninë e tyre në zona të ndjeshme, ndërsa qytetarët janë këshilluar të shmangin zonën e plazhit dhe të ndjekin udhëzimet zyrtare.

Ngjarja ka ngjallur debat të thellë në shoqërinë australiane mbi sigurinë, ekstremizmin dhe bashkëjetesën ndërkomunitare, ndërsa autoritetet angazhohen për të garantuar që një tragjedi e tillë të mos përsëritet më.

Situata në Bondi Beach, Sydney, ka marrë përmasa dramatike. Kryeministri i Uellsit të Ri Jugor, Chris Minns, konfirmoi zyrtarisht se sulmi me armë ishte një atentat i qëllimshëm ndaj komunitetit hebre të qytetit, pikërisht në natën e parë të festës Hanukkah.

Sipas komisionerit të policisë së New South Wales, Mal Lanyon, të paktën 12 persona kanë humbur jetën dhe 29 të tjerë janë plagosur në atë që tani zyrtarisht është klasifikuar si akt terrorist.

“Sonte në orën 21:36, kam shpallur këtë sulm si një incident terrorist. Kam autorizuar gjithashtu përdorimin e kompetencave speciale sipas nenit 5 dhe 6, për të parandaluar çdo akt të mundshëm të mëtejshëm, nëse ekziston një autor i tretë, një pistë që po hetohet aktualisht”, tha Lanyon para gazetarëve.

Ai shtoi se nuk mund të konfirmojë nëse ka një atentator të tretë në kërkim, por hetimet po vijojnë me intensitet maksimal.

Kryeministri Minns theksoi se sulmi është një plagë e rëndë morale dhe komunitare për qytetin:

“Ky sulm ishte planifikuar për të goditur komunitetin hebre të Sidneit. Në natën e parë të Hanukkah, kur familjet duhet të ishin bashkë për paqe e gëzim, ky akt i tmerrshëm e i lig e shkatërroi gjithçka.

Në një tjetër zhvillim të rëndë, policia ka zbuluar një automjet të braktisur në zonën Campbell Parade të Bondit, ku dyshohet se ndodhen disa pajisje shpërthyese artizanale. Njësia e specializuar për çmontimin e bombave ndodhet në vendngjarje dhe operacioni është ende në zhvillim.

“Besojmë se në mjetin e gjetur ka disa pajisje shpërthyese të improvizuara. Ekipet tona të shpëtimit dhe njësia për bombat janë në vendngjarje, duke punuar për çaktivizimin e tyre”, tha Lanyon.

Pamjet nga vendngjarja

Janë publikuar pamjet e rënda nga plazhi i Bondit në Australi, ku dy persona qëllojnë me armë zjarri, duke regjistruar deri më tani 10 viktima, ndërsa raportohet se shumë të tjerë kanë mbetur të plagosur.

Mediat australiane raportuan se ndërsa njëri nga të dyshuarit hapi zjarr pranë parkingut Campbell Parade, kalimtari u zhvendos drejt tij. Ndërsa të shtënat vazhduan, një burrë i veshur me pantallona të zeza dhe një këmishë të bardhë përdori automjetet e parkuara si mbulesë, duke u zhvendosur me kujdes në parkingun e makinave.

Kur iu afrua në një distancë të afërt, shtetasi u sul drejt personit të armatosur, e rrëzoi përtokë dhe u përfshi në një përleshje fizike me të, derisa arriti t’ia rrëmbente armën dhe ta paralizonte. Më pas, duke e drejtuar armën drejt autorit të krimit, e detyroi të tërhiqej drejt një ure fqinje, ku dyshohet se ndodhej një bashkëpunëtor i dytë.

*Kujdes, pamje të rënda

Sipas përshkrimit të videos nga mediat lokale, qytetari më pas e mbështeti armën në një pemë dhe u largua nga vendi i ngjarjes, ndërsa një person tjetër ndoqi të dyshuarin që po ikte dhe i hodhi një objekt.

Sipas të njëjtave informacione, njëri nga autorët u arrestua dhe është në gjendje kritike, ndërsa i dyti u vra nga zjarri i policisë. Mediat lokale raportojnë për të paktën 10 të vdekur dhe 12 të plagosur. Një rabin është midis viktimave.

Mbetet e paqartë se sa kalimtarë u plagosën, me autoritetet që konfirmojnë se dy oficerë policie dhe një fëmijë janë midis të plagosurve.

*Kujdes, pamje të rënda

Autoritetet e përshkruan incidentin si “në zhvillim e sipër”, duke i nxitur njerëzit të evakuoheshin menjëherë nga zona. Sipas radios lokale, u dëgjuan deri në 20 të shtëna, ndërsa një dëshmitar okular i tha një gazete lokale: “Pashë të paktën dhjetë persona në tokë dhe gjak kudo”.

Policia e Uellsit të Ri Jugor tha se hetimet për rrethanat dhe motivet e sulmit ishin duke vazhduar.

*Kujdes, pamje të rënda

Auf in den sozialen Medien verbreiteten Aufnahmen sind zwei schwarz gekleidete Männer zu sehen, die am Strand auf die Menschenmenge schießen.

Neue Details zum Anschlag in Australien sind bekannt geworden. Zwei Bewaffnete eröffneten das Feuer am Bondi Beach, Sydneys berühmtestem Strand und einem der beliebtesten Touristengebiete des Landes. Der Vorfall löste Panik unter Hunderten von Einheimischen und Touristen aus, die sich in der Gegend aufhielten.

Laut einem ersten offiziellen Bericht gibt es mindestens zehn Tote und mindestens 18 Verletzte. Die Polizei gab an, zwei Verdächtige neutralisiert zu haben. Einer der beiden Angreifer wurde getötet (und ist in der Todeszahl enthalten), der andere befindet sich in kritischem Zustand (und ist ebenfalls in der von der Polizei veröffentlichten Gesamtzahl der Verletzten enthalten).

Die Polizei des US-Bundesstaates New South Wales gab bekannt, dass sie nach mehreren Alarmen umgehend reagiert und zwei Verdächtige neutralisiert hat. Der Sicherheitseinsatz dauert noch an. Die Behörden riefen die Bevölkerung dazu auf, das Gebiet zu meiden und sich in Sicherheit zu bringen.

Aufnahmen, die in sozialen Medien geteilt wurden, zeigen zwei schwarz gekleidete Männer, die am Strand in eine Menschenmenge schießen. In dem Video sind mindestens zwölf Schüsse zu hören, während Menschen panisch fliehen. Weitere Aufnahmen zeigen Menschen, die am Boden liegen, neben einem weißen Fahrzeug und um Campingtische herum. Ihr Zustand ist noch nicht offiziell bestätigt.

Den Beweisen zufolge begaben sich die beiden Angreifer anschließend auf eine Brücke, die den Parkplatz mit dem Strandbereich verband, und schossen weiter, bis sie von den Strafverfolgungsbehörden gestellt und von der Polizei erschossen wurden.

Zeugen berichteten von chaotischen und angsterfüllten Szenen. „Wir dachten, es wären Feuerwerkskörper, aber es war etwas viel Schlimmeres“, sagte Elizabeth Mealey, eine ehemalige Journalistin, die sich im Restaurant Icebergs in Strandnähe aufhielt, gegenüber ABC News. „Die Leute rannten los, niemand wusste, was los war. Es dauerte eine ganze Weile, bis wir die Sirenen hörten. Es herrschte absolutes Chaos und es war extrem beängstigend“, sagte sie.

Laut BBC fand in der Gegend eine öffentliche Veranstaltung zum ersten Tag des jüdischen Feiertags Chanukka unter dem Motto „Chanukka am Meer 2025“ statt, organisiert vom Chabad-Zentrum Bondi. Die Veranstaltung sollte in der Nähe eines Kinderspielplatzes stattfinden und bot Unterhaltung und Familienaktivitäten. Einige der Teilnehmer sollen zu den Verletzten gehören, während viele andere sich zerstreuten oder in Deckung gingen, um dem Beschuss zu entkommen.

Bondi Beach, östlich von Sydney gelegen, ist ein Symbol des australischen Küstenlebens und bekannt für seine Surfspots, den Tourismus und seine entspannte Atmosphäre. Der heutige Anschlag hat die Öffentlichkeit in Australien, einem Land, das traditionell als sehr sicher und mit strengen Waffenkontrollen gilt, zutiefst erschüttert.

Die Behörden haben darauf hingewiesen, dass die Ermittlungen noch andauern und dass sie vollständige Informationen bereitstellen werden, sobald sich die Lage stabilisiert hat.