FLASH
Shkruar nga Pamfleti
Monika Kryemadhi është paraqitur këtë të enjte në ambientet e Gjykatës së Posaçme Kundër Korrupsionit dhe Krimit të Organizuar (GJKKO).
Ish-kryetarja e LSI-së u pa teksa hynte në gjykatë me një çantë me dokumente në duar, ndërsa para mediave dha një koment të shkurtër lidhur me sistemin e drejtësisë.
“Drejtësia me statistika është më e keqe se padrejtësia”, u shpreh Kryemadhi, pa dhënë detaje të mëtejshme mbi arsyen e paraqitjes së saj në GJKKO.
Paraqitja e saj vjen në një kohë kur emri i Kryemadhit lidhet me hetimet e SPAK-ut që kanë në fokus edhe ish-bashkëshortin e saj, Ilir Meta, aktualisht në masën e sigurisë “arrest në burg”.
SPAK ka ngritur akuza ndaj Metës dhe Kryemadhit për korrupsion, pastrim parash dhe fshehje ose mosdeklarim pasurie. Hetimet lidhen me çështjen e lobimit të ish-Lëvizjes Socialiste për Integrim në Shtetet e Bashkuara dhe me dosjen e njohur si CEZ-DIA.
Ndërsa Ilir Meta vijon të qëndrojë në paraburgim që prej tetorit 2024, Kryemadhi po përballet me procedurat gjyqësore në gjendje të lirë.
Lini një Përgjigje