FLASH
Shkruar nga Pamfleti
Mes mijëra qytetarëve që marshuan drejt Kryeministrisë në protestë, u bashkua edhe ish-deputeti demokrat Ervin Salianji, i cili mbështeti thirrjet për dorëheqjen e kryeministrit Edi Rama.
Teksa mijëra qytetarë marshuan për të pestën ditë radhazi nga sheshi “Skënderbej” drejt Kryeministrisë, Salianji publikoi në rrjetet sociale pamje nga tubimi dhe shprehu mbështetjen e tij për protestuesit.
Sipas ish-deputetit demokrat, vendi ndodhet në një moment që kërkon ndryshim të modelit të qeverisjes dhe ndërtimin e një alternative të bazuar në përgjegjësi, transparencë dhe besim tek e ardhmja.
“Rama, jep dorëheqjen! Kjo është thirrja që sot dëgjohet në mbarë Shqipërinë. Prepotenca, korrupsioni, abuzimet dhe papërgjegjshmëria në qeverisje kanë rënduar jetën e qytetarëve dhe kanë minuar besimin te shteti. Ka ardhur fundi i kësaj mënyre qeverisjeje dhe momenti për të hapur një kapitull të ri për Shqipërinë”, theksoi ai.
ik mor legen, i shitur. Ske bere asgje per ket vend si deputet dhe PD.