FLASH
Shkruar nga Pamfleti
Kandidati i LDK-së për kryeministër u bëri thirrje qytetarëve të marrin pjesë në zgjedhje, duke e cilësuar procesin si moment kyç për vendimmarrjen demokratike.
Lumir Abdixhiku deklaroi se dita e zgjedhjeve përfaqëson një moment të rëndësishëm për demokracinë në Kosovë dhe për shprehjen e vullnetit të qytetarëve.
Ai tha se pret një proces të rregullt dhe demokratik, ndërsa vlerësoi angazhimin e institucioneve dhe mekanizmave të përfshirë në organizimin dhe mbikëqyrjen e zgjedhjeve.
Sipas Abdixhikut, komisionerët, vëzhguesit, Policia e Kosovës, Prokuroria, Komisioni Qendror i Zgjedhjeve dhe mediat kanë krijuar kushtet e nevojshme për zhvillimin normal të procesit zgjedhor.
Kandidati i LDK-së theksoi se qytetarët do të përcaktojnë me votën e tyre drejtimin e vendit për mandatin e ardhshëm katërvjeçar. Ai nënvizoi se çdo votë ka peshë në rezultatin përfundimtar dhe në formësimin e institucioneve të ardhshme.
Abdixhiku shprehu pritjen që pjesëmarrja në votime të jetë e lartë dhe procesi të zhvillohet pa probleme.
Lini një Përgjigje