FLASH
Shkruar nga Pamfleti
Herve Renard nuk është më trajner i kombëtares së Tunizisë. Federata ka vendosur të ndërpresë bashkëpunimin me teknikun francez vetëm 18 ditë pasi ai mori drejtimin e skuadrës, duke regjistruar kështu një nga largimet më të shpejta nga pankina pas Kupës së Botës.
57-vjeçari u emërua gjatë Botërorit, pasi Federata shkarkoi trajnerin Sabri Lamushi në përpjekje për t'i dhënë një impuls të ri përfaqësueses. Megjithatë, ndryshimi nuk solli rezultatet e dëshiruara.
Në dy ndeshjet e drejtuara nga Renard, Tunizia pësoi dy humbje të rënda. Fillimisht u mposht 4-0 nga Japonia, ndërsa më pas u mund 3-1 edhe nga Holanda, rezultate që bindën drejtuesit e federatës t'i japin fund bashkëpunimit.
Me këtë largim, Herve Renard bëhet trajneri i 15-të që largohet nga detyra pas përfundimit të Botërorit 2026.
Tunizia vendos gjithashtu një rekord të pazakontë në këtë edicion të Kupës së Botës, duke qenë e vetmja kombëtare që ndërroi dy trajnerë gjatë turneut: fillimisht me largimin e Sabri Lamushi dhe më pas me shkarkimin e Herve Renardit.
Trajnerët e larguar pas Botërorit:
Havier Aguirre (Meksikë)
Roberto Martínez (Portugali)
Julian Nagelsman (Gjermani)
Ronald Kuman (Holandë)
Karlos Kueiroz (Gana)
Hong Mjung-bo (Koreja e Jugut)
Stiv Klark (Skoci)
Miroslav Kubek (Çeki)
Xhamal Selami (Jordani)
Sabri Lamushi (Tunizi)
Zlatko Daliç (Kroaci)
Sebastian Bekaçese (Ekuador)
Marcelo Bielsa (Uruguai)
Hugo Bros (Afrika e Jugut)
Herve Renard (Tunizia)
Lini një Përgjigje