FLASH
Shkruar nga Pamfleti
Xhorxh Rasëll me Mercedes siguroi të shtunën pasdite “pole position” për Çmimin e Madh të Spanjës në Formula 1, që zhvillohet në pistën e Barcelonës. Për pilotin britanik, ky është “pole”-i i tretë i sezonit, një rezultat që e rikthen në qendër të vëmendjes pas një periudhe jo të lehtë në kampionat.
Në vendin e dytë u rendit Luis Hamilton me Ferrari, vetëm 64 të mijëtat e sekondës më i ngadaltë se Rasëll. Diferenca minimale mes dy pilotëve lë të kuptohet se gara e së dielës pritet të jetë shumë e rivalizuar që në start.
Vendi tretë i takoi italianit Kimi Antonelli me Mercedes, i cili vazhdon të kryesojë renditjen e përgjithshme të Botërorit. Një paraqitje solide që konfirmon formën e mirë të pilotit të ri italian.
Ndërkohë, zhgënjimi më i madh i kualifikueseve ishte Sharls Lëklerk. Piloti i Ferrarit dëmtoi makinën pas një përplasjeje gjatë sesionit të tretë të provave zyrtare dhe do të detyrohet ta nisë garën nga vendi i 10-të në start.
Kampioni i botës në fuqi, Lando Norris me MekLaren, u klasifikua i katërti, ndërsa Maks Vershtapen me Red Bull u rendit vetëm në vendin e pestë. Pas tij u pozicionua shoku i skuadrës, Isak Hadjar.
Dhjetëshja më e mirë u plotësua nga Oskar Piastri, Liam Lauson, Niko Hylkenberg dhe Sharls Lëklerk. Rezultatet e kualifikueseve tregojnë se gara e së dielës në Barcelonë pritet të jetë e hapur dhe me rivalitet të fortë mes pretendentëve kryesorë.
Lini një Përgjigje