FLASH
Shkruar nga Pamfleti
Portugalia do të përballet me Republikën Demokratike të Kongos në një ndeshje që nis në orën 19:00. Përballja vjen me vëmendje të madhe, jo vetëm për rëndësinë e saj sportive, por edhe për një rekord historik që mban firmën e Kristiano Ronaldos.
Kapiteni i Portugalisë është përfshirë në formacionin titullar dhe do të udhëheqë skuadrën në përpjekjen për të avancuar drejt objektivit të madh, triumfit në Kupën e Botës.
Formacionet zyrtare janë publikuar pak para nisjes së takimit, ndërsa Ronaldo ka hyrë në histori duke vendosur një rekord të ri. Në moshën 41 vjeç e 132 ditë, ai është lojtari më i vjetër në historinë e Botërorit që e nis një ndeshje si titullar, pa përfshirë portierët.
Sulmuesi legjendar do të jetë pika kryesore e repartit ofensiv portugez, duke konfirmuar edhe një herë rolin e tij të rëndësishëm në kombëtaren luzitane.
Lini një Përgjigje