FLASH
Shkruar nga Pamfleti
Tubimi ka nisur rreth 13:00, në sheshin “Skënderbeu”, dhe ka mbledhur mbështetës nga Shkupi dhe trevat përreth.
Shkupi ka nisur sot protestën në shenjë solidariteti me ish-krerët e Ushtrisë Çlirimtare të Kosovës, të cilët ndodhen në Hagë. Protesta është thirrur nga Organizata e Veteranëve të Luftës së UÇK-së.
Tubimi ka nisur rreth 13:00, në sheshin “Skënderbeu”, dhe ka mbledhur mbështetës nga Shkupi dhe trevat përreth.
Protesta ka marrë përkrahje publike edhe nga përfaqësues të rëndësishëm politikë shqiptarë në rajon.
Kryetari i Bashkimit Demokratik për Integrim, Ali Ahmeti, ka ftuar qytetarët që të bashkohen në protestë, duke theksuar se qëllimi i saj është kërkesa për drejtësi dhe kundërshtimi i akuzave që, sipas tij, janë të motivuara politikisht dhe të ndërtuara mbi narrativa të fabrikuara nga Serbia dhe Rusia.
Po ashtu mbështetje për protestën ka shprehur edhe kryetari i Prishtinës, Përparim Rama, i cili ka deklaruar se pas tubimeve të zhvilluara në Prishtinë dhe Tiranë, edhe Shkupi po bashkohet në thirrjen për drejtësi.
Ai ka theksuar rëndësinë e unitetit dhe të ruajtjes së vlerave kombëtare, duke bërë thirrje për protestë paqësore dhe dinjitoze.
Përfaqësues të OVL-UÇK-së kanë paralajmëruar se ekziston mundësia e arrestimeve, për shkak të listave të Europolit që, sipas tyre, janë përcjellë nga Serbia.
Lini një Përgjigje