FLASH
Shkruar nga Pamfleti
Një aksident rrugor ka ndodhur paraditen e sotme në afërsi të fshatit Mashkullorë, në aksin nacional Gjirokastër-Tepelenë.
Mësohet se dy automjete, një BMW dhe një Volkswagen, janë përplasur me njëra-tjetrën, duke përfunduar jashtë rruge pas goditjes.
Sipas të dhënave paraprake, dyshohet se shkak i aksidentit është bërë shpejtësia e lartë e njërit prej mjeteve dhe lagështia në asfalt nga reshjet e fundit, çka ka bërë që drejtuesit të humbin kontrollin.
Efektivët e Policisë Rrugore ndodhen në vendngjarje dhe po punojnë për sqarimin e shkaqeve dhe rrethanave të ngjarjes.
Nuk raportohet për viktima, por po verifikohet gjendja shëndetësore e drejtuesve dhe pasagjerëve. Hetimet për ngjarjen vijojnë.
Lini një Përgjigje