FLASH
Shkruar nga Pamfleti
Si pasojë e aksidentit ka ndërruar jetë një grua ndërsa burimet bëjnë me dije se janë plagosur 3 te tjerë.
Një aksident rrugor është regjistruar në aksin nacional Pogradec-Lin ku janë përfshirë dy automjete.
Aksidenti ka ndodhur në afërsi të fshatit Pojskë, ku dy mjete janë përplasur kokë më kokë me njëra tjetrën.
Si pasojë e aksidentit ka ndërruar jetë një grua ndërsa burimet bëjnë me dije se janë plagosur 3 të tjerë ndërsa 1 prej tyre ndodhet ne gjendje të rëndë. Ata janë transportuar me ambulancë drejt Spitalit të Pogradecit, ku po marrin ndihmën e nevojshme mjekësore.
Ka qenë mjeti me targa të Maqedonisë së Veriut tip "Golf" që ka bërë një parakalim në mënyrë të gabuar duke i prerë rrugën mjetit tip "Benz" ku udhëtonte një familje nga Korça.
Viktima është 26 vjeçaraja Elmedina Lloga që ndodhej në mjetin me targa të Maqedonisë së Veriut, e cila ka mbetur e bllokuar për më shumë se 20 minuta për shkak të goditjes së fortë. Pavarësisht ndërhyrjes së zjarrfikësve për prerjen e derës, dëmtimi i madh i ka marrë jetën.
Në vendngjarje kanë mbërritur efektivët e policisë, të cilët po kryejnë veprimet hetimore për të përcaktuar shkaqet dhe rrethanat e aksidentit.
Lini një Përgjigje