FLASH
Shkruar nga Pamfleti
Këto janë pamjet e operacionit të zhvilluar në Breshia, ku u godit një klan shqiptar i trafikut të drogës. Në pamje shihen edhe kontrollet me qen antidrogë. Ndërsa droga dallohet e paketuar me logon e ‘Rolls Royce’, një makinë luksoze britanike.
Gjithashtu një oficer i Antiterrorit në Policinë Shqiptare është pjesë e personave të arrestuar në Itali, të akuzuar për një grup të strukturuar që trafikonte lëndë narkotike nga Amerika e Jugut dhe nga Shqipëria.
Në pranga ka rënë punonjësi i Policisë së Shtetit, Igli Haxhiaj. Para se të ishte pjesë e strukturave të Antiterrorit, Haxhia ka qenë edhe pjesë e Skuadrës Operacionale. Haxhiaj akuzohet për disa vepra penale, nxjerrje të sekretit hetimor, korrupsion dhe shpërdorim detyre.
Sipas raportimeve të mediave italiane, Gjykata e Breishas ka lëshuar në total 24 masa sigurie, 9 prej të cilave janë ekzekutuar në qytetin italian. Sipas të dhënave paraprake janë 49 personash që po hetohen, 46 prej të cilëve janë shqiptarë.
Gjatë operacionit janë sekuestruar afro 3 milionë euro, ndërsa nga shitja e drogës ky grup përllogaritet të ketë fituar 12 milionë euro.
Sipas raportimeve në mediat italiane, grupi importonte në Itali kokainë nga Amerika e Jugut, ndërsa heroinën e merrte nga Shqipëria.
Lini një Përgjigje