Kronike28 Janar 2024, 14:43

Mediat italiane zbulojnë detaje të tjera për vrasjen e Bledar Dedjas: Kishte lidhje homoseksuale, gruaja punësoi dedektiv

Shkruar nga Pamfleti

Mediat italiane zbulojnë detaje të tjera për vrasjen e Bledar

Të treja detaje janë zbardhur nga vrasja e 39-vjeçarit shqiptar Bledar Dedjas i cili u masakrua rreth 1 javë më parë në pyllin e Paderno del Grappa në Itali.

Dyshohet se lidhjet homoseksuale të të riut shqiptar janë shkak i vrasjes së tij.

Kjo është pista në të cilën janë fokusuar hetuesit për zbulimin e misterit të vrasjes së 39-vjeçarit shqiptar, ku mësohet se bënte një jetë të dyfishtë, shkuan media italiane Il Gazzettino.

Gruaja e tij kishte punësuar një dedektiv privat disa vite më parë pasi dyshonte se i shoqi po e tradhtonte dhe donte të zbulonte të vërtetën.

Marrëdhënia e tyre ishte ftohur edhe pse asnjëri prej tyre nuk kishte vendosur t’i jepte fund, ndoshta për të shmangur pasojat për dy fëmijët e tyre të vegjël.

Hetuesit janë fokusuar në rrethin e njohjeve të kopshtarit shqiptar, po shqyrtojnë bisedat e tij, profilet në rrjetet sociale, tabulatet e telefonit por edhe klubet ​​që ai frekuentonte.

Policia ka marrë në pyetje rreth 30 persona, duke përfshirë miqtë dhe të afërmit e viktimës, i cili u godit me thikë të shtunën pasdite në pyllin e Paderno del Grappa dhe u gjet mëngjesin e së dielës (21 Janar) nga një mik i tij me të cilin kishte lënë një takim për të shkuar për peshkim.

39-vjeçarit u gjet me pantallona dhe të brendshme të hequra. Vendndodhja e krimit është një vend i frekuentuar për takime romantike dhe mënyra se si ai u godit me mbi 20 herë me thikë (përfshirë atë fatale në mushkëri) çuan menjëherë në dyshimin për një krim pasioni.

Për të zgjidhur misterin, hetuesit kanë kqyrur kamerat e sigurisë, të cilat po ekzaminohen. Pamjet mund të jenë vendimtare për të kuptuar se me kë po takohej Dedja.

Hetuesit besojnë se kopshtari shqiptar mund të jetë futur në kurth nga personi me të cilin kishte rregulluar takimin për të kryer marrëdhënie seksuale.

Dhe se pikërisht në ato momente intime është sulmuar nga pas nga një person tjetër për çështje nderi.