FLASH
Shkruar nga Pamfleti
Ekstradimi i britanikëve që u përfshinë në vrasjen e Ardian Nikulajt duket se do të jetë një proces aspak i lehtë. Sot u mbajt seanca gjyqësore për emrat e arrestuar dhe jo vetëm që nuk u vendos për ekstradimin, por vajza që ishte pjesë e grupit u lirua.
Michael Snow, gjykatësi i çështjeve të ekstradimit në një gjykatë të Londrës pranoi lirimin me kusht të Harriet Bridgeman. Avokatja e saj kërkoi lirim me kusht me argumentin se vajza ka një fëmijë të vogël dhe është e divorcuar nga burri. Gjykatësi e pranoi kërkesën.
“Ajo ka një rol të limituar në ngjarje krahasuar me të tjerët. Thjesht është parë në atë lokal. Shkoi në Shqipëri për pushime. E la Shqipërinë 12 ditë përpara vrasjes. E mësoi vrasjen nga rrjetet sociale. Nuk ka asnjë tendencë të zhduket. Nuk ka asnjë lidhje familjare me Shqipërinë apo vende të tjera. Ka një vajzë 7 vjeçe dhe është e divorcuar nga burri. Nëse mbahet në burg i limitohet kontakti me fëmijën. Ka probleme mendore prandaj është e papunë dhe merr asistencë sociale. Mbajtja në burg do t’ia përkeqësonte shëndetin. 20.000 paund është garancia nga babai i saj”, tha avokatja.
Avokatja që përfaqëson shtetin shqiptar e kundërshtoi një gjë të tillë, pro gjykatësi nuk i ka pranuar argumentet e saj.
“Rëndesa e ngjarjes nuk mund të justifikoj lirinë me kusht. Ka arsye shqetësuese sigurie për këta persona tashmë të ndaluar. Harriet Bridgman, nuk u arrestua tek shtëpia e saj, nuk u gjet atje por tek ajo e prindërve. Ka deklaruar kur u arrestua se ka parë informacione në Facebook, për këtë vrasje. Është e pa punë. Mbahet nga shteti përmes ndihmës sociale. Kemi të bëjmë me një vrasje e mirë menduar nga disa persona për arsye hakmarrje”, tha ajo.
Ndërkohë i arrestuari tjetër Thomas Mithan u la në burg. Pavarësisht se avokati i tij kërkoi lirim me kusht me argumentin se ai nuk ka pasur lidhje me ngjarjen. Por gjykatësi vendoi ta lërë atë në qeli.
Sot u vendos që seanca për porositësin e vrasjeve Edmond Haxhia dhe emrin tjetër të përfshirë Steven Hunt do të mbahet më 2 qershor. Edhe ata kanë kërkuar lirim me kusht. Zhvillimet sot vijnë pas njoftimit se autoritet britanike kanë refuzuar të arrestojnë britanikun tjetër të përfshirë në ngjarje, Harry Simpson.
Lini një Përgjigje