FLASH
Shkruar nga Pamfleti
Policia ka arrestuar katër protestues pas tubimit të organizuar mbrëmjen e djeshme nga Partia Demokratike.
Sipas autoriteteve, gjatë protestës së 28 shkurtit u regjistruan episode dhune dhe përplasje mes një pjese të protestuesve dhe forcave të rendit. Burime zyrtare bëjnë me dije se u hodhën mjete shpërthyese artizanale të llojit molotov në drejtim të vilës së ish-diktatorit Enver Hoxha, ku brenda ndodheshin disa artistë, si dhe u dëmtuan biznese private dhe kosha mbeturinash.
Përplasje pati edhe përpara Drejtorisë së Përgjithshme të Policisë dhe në zonën e ish-Bllokutku u sulmoua vila e Enver Hoxhës. Sipas Policisë, efektivët u goditën me gurë dhe sende të forta. Nuk janë bërë të ditura ende të dhëna të plota mbi personat e lënduar apo dëmet materiale.
Autoritetet vijojnë hetimet për identifikimin e personave të tjerë të përfshirë në incidentet e raportuara.
Ndërkohë, Partia Demokratike nuk ka reaguar ende zyrtarisht lidhur me arrestimet e kryera nga Policia.
Lini një Përgjigje