FLASH
Shkruar nga Pamfleti
Përplasja ka nisur pasi punonjës të një lokali i kanë kërkuar efektivit të policisë të largonte makinën e tij, e cila dyshohet se ishte parkuar pranë ambientit të biznesit dhe po pengonte zonën e shërbimit.
Një konflikt mes një efektivi policie dhe një punonjësi biznesi është regjistruar paraditen e sotme në zonën e njohur si “Malajziani”, në Tiranë, për shkak të një automjeti të parkuar.
Përplasja ka nisur pasi punonjës të një lokali i kanë kërkuar efektivit të policisë të largonte makinën e tij, e cila dyshohet se ishte parkuar pranë ambientit të biznesit dhe po pengonte zonën e shërbimit.
Debati verbal mes palëve është tensionuar me shpejtësi. Në pamjet e kamerave të sigurisë, të publikuara në media shihet momenti kur efektivi i policisë nxjerr armën e shërbimit dhe e drejton atë ndaj personit me të cilin është në konflikt. Në vendngjarje ndodheshin edhe persona të tjerë, përfshirë dy gra.
Për rastin ka nisur hetimet Agjencia e Mbikëqyrjes Policore (AMP).
Burime bëjnë me dije se polici, i cili është i punësuar në Policinë e Tropojës, po hetohet në gjendje të lirë. Procedimi penal është marrë në këshillim me prokurorinë dhe rasti është referuar për veprime të mëtejshme.
Paralelisht, Drejtoria e Standardeve Profesionale në Policinë e Shtetit ka nisur hetim disiplinor ndaj efektivit të përfshirë.
Lini një Përgjigje