Shkruar nga Pamfleti
Një shpërthim tritoli ka ndodhur mbrëmjen e sotme në zonën e “Freskut” në Tiranë.
Mësohet se tritoli është vendosur në një fasoneri dhe ka pasur vetëm dëme materiale, pasi në ambientet e fasonerisë nuk ka pasur punonjës.
Policia ndodhet në vendin e ngjarjes dhe ka nisur hetimin për zbardhjen e rrethanave të ngjarjes. Mësohet se fasoneria është në pronësi të italianit Roberto Bingaido. Nga shpërthimi është dëmtuar një automjet dhe janë thyer xhamat e objektit.
"Më datë 25.05.2023, rreth orës 21:50, në rrugën “Fadil Deliu”, në portën e jashtme të një fasonerie në pronësi të shtetasit Italian R. B , dyshohet se ka shpërthyer një sasi e vogël lëndë plasëse.
Si pasojë është dëmtuar dera e jashme e hekurit, thyer disa xhama dhe një automjet që ka qënë i parkuar. Nuk ka persona të dëmtuar.
Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorit/eve", njoftoi policia.
