FLASH
Shkruar nga Pamfleti
Një 47-vjeçar është arrestuar në Gjermani dhe është ekstraduar drejt Shqipërisë.
Uniformat blu bëjnë me dije se bëhet fjalë për shtetasin Emiljano Paja alias Ritvan Pema, i cili në vitin 2019 në fshatin Rreth Tapi në Kuçovë ka tentuar të vrasë me armë zjarri Valentin Suli alias Donalt Bami.
Sakaq, ndaj 47-vjeçarit rëndojnë akuzat e vrasjes me dashje e mbetur në tentativë si dhe mbajtja pa leje dhe prodhimi i armëve shpërthyese dhe municionit.
Njoftimi i policisë:
Interpol Tirana
Shkëmbim informacioni dhe aksione të përbashkëta policore, me homologët, për kapjen dhe arrestimin me qëllim ekstradimin, të shtetasve të kërkuar ndërkombëtarisht.
Tentoi të vriste me armë zjarri, një shtetas në Kuçovë, në vitin 2019, kapet në Gjermani dhe ekstradohet drejt vendit tonë 47-vjeçari i shpallur në kërkim.
Në kuadër të bashkëpunimit të vazhdueshëm me partnerët, me qëllim lokalizimin, arrestimin dhe ekstradimin e shtetasve të shpallur në kërkim ndërkombëtar për vepra të ndryshme penale dhe si rezultat i shkëmbimit të menjëhershëm të informacionit ndërmjet Interpol Tiranës dhe Interpol Wiesbaden, Gjermani, u kap në Duesseldorf, u arrestua përkohësisht aty dhe u ekstradua drejt vendit tonë, shtetasi E. P. alias R. P., 47 vjeç, lindur në Berat.
Zyra Qendrore Kombëtare e Interpol Tiranës ka lëshuar urdhër arresti ndërkombëtar ndaj 47-vjeçarit, pasi Gjykata e Rrethit Gjyqësor Berat në vitin 2019, i ka caktuar masën e sigurisë “Arrest në burg”, për veprat penale “Vrasja me dashje”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe municionit”.
Shtetasi E. P. alias R. P. , në vitin 2019, në fshatin Rreth Tapi, Kuçovë, ka tentuar të vrasë me armë zjarri, shtetasin V. S. alias D. B.
47-vjeçari iu dorëzua Drejtorisë së Përgjithshme të Burgjeve, nga specialistët e Interpol Tiranës.
Lini një Përgjigje