FLASH
Shkruar nga Pamfleti
Një aksident i rëndë ka ndodhur sot në aksin nacional Lezhë–Shkodër, pranë fshatit Fishtë, ku një automjet është përplasur me një trailer me targa serbe. Si pasojë e përplasjes së fortë, automjeti ka dalë nga rruga dhe ka përfunduar në një kanal anësor.
Në vendngjarje kanë mbërritur menjëherë ambulanca nga Lezha, Shkodra dhe Vau i Dejës për tu ardhur në ndihmë të plagosurve.
Një grua rreth 60 vjeç ka humbur jetën dhe 4 persona të tjerë janë plagosur. Banorët e zonës dhe policia po bëjnë përpjekje për të nxjerrë të plagosurit nga kanali.
Ky aksident rëndon më tej bilancin tragjik të ditës, e cila është shënuar si një nga më të zezat në rrugët e vendit: katër persona humbën jetën dhe disa të tjerë u plagosën në disa aksidente të ndodhura brenda 24 orëve të fundit.
Lini një Përgjigje