FLASH
Shkruar nga Pamfleti
Policia e Shkodrës ka zbuluar një parcelë me kanabis të mbjellë në territorin e njësisë administrative Shllak, në Vau i Dejës. Gjatë operacionit të koduar “Koordinata”, shërbimet e Komisariatit të Policisë Vau i Dejës kanë sekuestruar 1,011 fidanë dhe 479 bimë të dyshuara si cannabis sativa.
Operacioni vijon për identifikimin dhe ndjekjen penale të autorëve të kësaj veprimtarie të paligjshme.
"Vijon operacioni policor i koduar “Koordinata”, për parandalimin, evidentimin dhe goditjen e tentativave për kultivim të bimëve narkotike.
Si rezultat i kontrolleve intensive në të gjithë territorin e qarkut Shkodër, në vijim të operacionit policor të koduar “Koordinata”, shërbimet e Drejtorisë Vendore të Policisë Shkodër dhe të komisariateve në varësi të saj kanë gjetur të kultivuara dhe kanë asgjësuar 1288 fidanë dhe 479 bimë të dyshuara narkotike cannabis sativa.
-Shërbimet e Komisariatit të Policisë Vau i Dejës gjetën në territorin e njësisë administrative Shllak dhe asgjësuan 1011 fidanë dhe 479 bimë cannabisi.
-Shërbimet e Komisariatit të Policisë Shkodër gjetën në territorin e njësisë administrative Pult dhe asgjësuan 277 fidanë narkotikë cannabis sativa.
Vijon puna për identifikimin, kapjen dhe nxjerrjen përpara përgjegjësisë penale të autorëve të këtyre rasteve të kultivimit.
Operacioni antikanabis i koduar “Koordinata”, njofton policia.
Lini një Përgjigje