Politike 1 Qershor 2023, 22:37

Dalja e Bashës në skenë shqetëson Berishën: Bleu bluzë kaki që të duket si Zelensky, vepron sipas urdhrave të Ramës

Shkruar nga Pamfleti

Dalja e Bashës në skenë shqetëson Berishën: Bleu

Ish-kryeministri Sali Berisha ka komentuar rikthimin e Lulzim Bashës në jetën politike të vendit.

Berisha ironizoi rikthimin e Bashës duke thënë se lexon ato që nxjerr zyra e shtypit të kryeministrit Rama, të cilët sipas tij e kanë marketuar “duke e veshur si Zelensky”, presidenti i Ukrainës. Pra duket se Berisha ka ndjekur takimet e Bashës. Ky i fundit në Shkodër ishte veshur si Zelensky dhe dukej si një mesazh ndaj Berishës se ai do të luftojë njësoj siç po bën presidenti i Ukrainës me Putinin.

Sipas tij Basha nuk ka “punë me të”, pasi ai komandohet dhe merr urdhra nga Edi Rama.

Është veshur si Zelensky, atë e marketon Endri Fuga. Vajti i bleu bluzë kaki. Ai lexon ato që i jep zyra e Fugës. Atë e komandon Rama, nuk ka punë me mua ai. Dil i thotë Fuga, thuaj që jam si Zelensky dhe del ai.

Nuk kisha parti në këto zgjedhje. Një proces ishin primaret, por nuk kisha as emrin, as partinë, as vulën, etj. Shitja e zgjedhjeve ka qenë se Edi Rama bleu mandatet dhe ai nuk luftoi.

Do ketë një lëvizje të fuqishme popullore për rikthimin e votës së lirë në Shqipëri. Kjo do ndodhë padiskutim. Demokratët do na ndjekin se janë njerëz idealistë. Në kushtet më të veçanta u mblodhën mbi 500 mijë idealistë. Ekzistojnë gjysmë milionë idealistë të gatshëm të sakrifikojnë për votën”, u shpreh Berisha në “Open”.

 

basha zelensky