Politike18 Mars 2023, 18:35

Gafa e Berishës me emigrantët e Londrës: Kam respekt të madh për Madhërinë e Saj!

Shkruar nga Pamfleti

Gafa e Berishës me emigrantët e Londrës: Kam respekt të madh

Ish-kryeministri Sali Berisha ka bërë një gafë sot gjatë bashkëbisedimit me emigrantët e Londrës. Duke qenë se Britania e ka futur në listë të zezë, ai po përdor mediat online për të komunikuar me ta.

Por teksa fliste, Berisha harroi që Mbretëresha Elizabeth ka ndërruar jetë, pasi vijonte të fliste për Madhërinë e Saj.

Teksa sulmonte ambasadorin britanik në vendin tonë tha: “Shumë shpejt do t’i bëjë publike trillimet e ulëta të një njeriu të korruptuar. Por Britania është shtet ligjor dhe kam besim te drejtësia e vendit ku jeni ju. Ky diplomat pasi ka mashtruar qeverinë tij, vijon e mashtron. Ai thotë se Berisha sulmon ambasadorin dhe  qeverinë e Madhërisë së Saj. Unë nuk kam sulmuar kurrë qeverinë e Madhërisë së Saj sepse kam respektin më të madh. Më falni Madhërisë së tij”.

 

berisha britania madheria e saj