FLASH
Shkruar nga Pamfleti
Ish ministri i Brendshëm, Saimir Tahiri ka shkuar ditën e sotme në SPAK.
Mësohet se ndaj ish ministrit të Brendshëm ka nisur një hetim pasuror.
Më 4 shkurt të vitit 2022, Apeli i Gjykatës Kundër Krimit të Organizuar dhe Korrupsionit pas një seance maratonë, dënoi Tahirin me 5 vite burg për ‘Shpërdorim të detyrës’.
Por me gjykim të shkurtuar dënimi u ul në 3 vite e 4 muaj burgim.
Tahiri u dënua vetëm për "Shpërdorim detyre" duke i ‘shpëtuar’ akuzave “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal".
Ai qëndroi vetëm një vit e katër muaj në qeli,deri në qershor 2023 kur dhe u mor vendimi që vuajtja e dënimit të mbetur të kryhej në banesë.
Tahiri vuan nga një sëmundje ndërkohë dalja e tij nga banesa është bërë për shkak të thirrjes nga prokurori i SPAK Elvin Goga që po heton pasurinë e ish ministrit të Brendshëm.
Mësohet se hetimet janë shtrirë dhe në personat familjarë të tij, bashkëshortja dhe kunati i tij.
Lini një Përgjigje