Gazetari Nebil Çika, i cili njihet për miqësinë me Enkelejd Alibeajn, ka reaguar ashpër pas vendimit të sotëm në Komisionerit të Zgjedhjeve Ilirian Celibashi, i cili refuzoi të regjistronte PD në zgjedhje.
Celibashi këmbëngul se Basha duhet të lëshojë një deklaratë solemne sepse është kryetar sipas regjistrit të gjykatës. Alibeaj e refuzoi dhe Celibashi vendosi që PD të mos regjistrohet në zgjedhje.
Sipas gazetarit Çika, PD duhet të kërkojë shkarkimin e Celibashit.
“PD do të regjistrohet në zgjedhje do apo jo Celibashi. Problemi është në se do të ketë apo jo zgjedhje të lira e ndershme me një Komisioner të deklaruar kundër PD. Reagimet e drejtuesve të PD më duken më korrekte se sa duhen përballë këtij agresioni të hapur politik nga drejtuesi i KQZ ndaj sajë. Reagimi më normal, në një rast si ky, do të ishte kërkesa për dorëheqje të Komisionerit dhe nisja e procedurave ligjore për shkarkimin e tij”, shkruan ai në rrjetet sociale.