FLASH
Shkruar nga Pamfleti
Kryeministri Edi Rama tha se çështja e ndërtimit të një ujësjellësi nga Shqipëria për rajonin e Puglias në Itali, është një ide e viteve 1930.
Në një intervistë për emisionin ‘Repolitix’ në “Report Tv”, ai deklaroi se vendi ynë ka qenë gati që prej asaj kohe për këtë projekt, por Italia nuk e ka vijuar projektin për shkak se ka kosto tepër të madhe.
“Është një temë që është hapur në vitet 1930. Ideja që Puglia të merrte ujë nga Syri i Kaltër. Atë temë e kanë prekur të gjithë kryeministrat e Italisë dhe ja ku jemi. Ne kemi qenë gati që nga vitit 1930, ka një arsye përse nuk është bërë deri tani, sepse është një projekt gjigand, kur shohin koston thonë po e lëmë për pak më vonë”, tha Rama.
Kujtojmë se në fillim të këtij viti kreu i rajonit të Puglias, Michele Emiliano deklaroi se kishte diskutuar me Ramën për këtë projekt dhe se kryeministri shqiptar kishte shprehur interes.
Lini një Përgjigje