FLASH
Shkruar nga Pamfleti
Kryeministri Edi Rama ka zhvilluar një takim me qytetarët në Berat, ku ka komentuar zhvillimet politike dhe sondazhet që tregojnë një mbështetje të lartë për Partinë Socialiste. Në fjalën e tij, Rama është shprehur se PS gëzon shumicën e mbështetjes popullore, pavarësisht skepticizmit të komentatorëve dhe kritikëve politikë.
"Kur ju hapni TV në mbrëmje, shikoni sondazhet e pavarura që thonë njëzëri se PS ka shumicën e popullit shqiptar". tha Rama, duke shtuar se disa komentatorë reagojnë me habi ndaj këtij fakti dhe përpiqen ta shpjegojnë me arsye si frika, blerja apo një popull "i sëmurë".
Kryeministri u shpreh se këto justifikime janë të pavlera dhe se e vetmja arsye e kësaj mbështetjeje është fakti që PS është alternativa më e mirë për shqiptarët.
“PS nuk ka rënë nga qielli. Nuk është një parti engjëjsh, por është një parti shqiptarësh që mund të mos jetë e përsosur, por më mirë se PS nuk ka. PS nuk është e keqja më e vogël, është e mira më e madhe që shqiptarët mund të zgjedhin,” u shpreh Rama.
Ai theksoi se opozita duhet të përgatitet të përjetojë “shijen e hidhur të një humbjeje të merituar”, pasi sipas tij, qytetarët do të mbështesin vetveten duke mbështetur Partinë Socialiste.
Lini një Përgjigje