Politike 8 Mars 2023, 16:48

SHBA i “tërheq veshin” Ramës për aplikacionin “Aktiv1sti”? Kim: Të garantohet siguria e të dhënave personale

Shkruar nga Pamfleti

SHBA i “tërheq veshin” Ramës për aplikacionin

Ambasadorja amerikane Yuri Kim ka kërkuar që të garantohet siguria e të dhënave personale të qytetarëve gjatë zgjedhjeve. Ajo pati sot takime me Damian Gjiknurin e PS, Enkelejd Alibeajn e PD dhe Ilir Metën e PL, ku ka dhënë disa direktiva për 14 majin.

Por Kim duket se i ka dhënë një shuplakë qeverisë për aplikacionin “Aktiv1sti”. Ky aplikacion është krijuar nga PS dhe përmes tij mbahet nën terror administrata. Ambasada e SHBA shprehet se në takimet që ka pasur, ambasadorja ka kërkuar që të sigurohet mbrojtja e të dhënave personale.

Shqipëria duhet të garantojë sigurinë e të dhënave personale të qytetarëve. Institucionet përkatëse duhet të hetojnë tërësisht dhe të ndëshkojnë çdo shkelje që ndikon në besimin e publikut në procesin zgjedhor”, tha ajo.  

Pak ditë më parë doli një listë me të gjithë përdoruesit e këtij aplikacioni dhe doli artë se e gjitha administrata, por dhe gjyqtarë e prokurorë ishin në shërbim të PS.

rama kim aktiv1sti