FLASH
Shkruar nga Pamfleti
Drejtuesit e grupeve parlamentare janë thirrur në një takim konsultues nga kreu i Kuvendit, Niko Peleshi, për të diskutuar mbi formimin e organeve të reja të parlamentit.
Në këtë takim pritet të përzgjidhen anëtarët e Këshillit për Mandatet dhe Rregulloren, Byrosë së Kuvendit dhe anëtarët e delegacioneve. Gjithashtu krerët e grupeve, në emër të subjekteve që përfaqësojnë, do të propozojnë edhe emrat e anëtarëve të komisioneve dhe drejtuesit e tyre, ku opozita do të drejtojë 4 nga 11 komisionet që do të funksionojnë në legjislaturën e re Parlamentare.
Dhe në përputhje me diskutimet e sotme, pritet që ditën e martë, Kuvendi të mblidhet në një seancë plenare ku do të vendoset për ngritjen e Këshillit të Mandateve dhe më pas votimin e Rregullores së re dhe përbërjen e komisioneve.
Pas ristrukturimit të Parlamentit, Kuvendi do të zhvillojë një debat dy-ditor të enjten dhe të premten, për programin qeverisës dhe përbërjen e kabinetit “Rama 4”.
Opozita është shprehur kundër heqjes së të drejtës për të drejtuar Komisionin Parlamentar për Integrimin, që në legjislaturën e kaluar drejtohej nga Jorida Tabaku. Por opozita nuk ka votat e nevojshme për të bllokuar ndryshimet në Rregulloren e Kuvendit, e cila miratohet me 71 vota.
Komisionet nën drejtimin e PS
Ekonominë, Punësimin dhe Financat
Çështjet Ligjore dhe Administratën Publike
Çështjet e Brendshme dhe të Mbrojtjes
Burimet Natyrore, Infrastrukturën dhe Zhvillimin e Qëndrueshëm
Bujqësinë, Ushqimin dhe Zhvillimin Rural
Evropa dhe Punët e Jashtme
Nismat qytetare, Bashkëpunimin dhe Mbikëqyrjen institucionale
Komisionet nën drejtimin e opozitës
Edukimin, Shkencën dhe sportet
Shëndetësinë dhe Mirëqenien Sociale
Drejtat e Njeriut dhe Mjetet e Informimit Publik
Kulturën, Turizmin dhe Diasporën
Lini një Përgjigje