FLASH
Shkruar nga Pamfleti
Kryeministri Edi Rama, gjatë një takimi elektoral në qytetin e Shkodrës, tha se nëse Shqipëria do të ishte në gjendjen që përshkruajnë kundërshtarët e tij, atëherë vendi nuk do të ishte as pranë tryezës së bisedimeve me Brukselin.
Rama iu përgjigj akuzave për “narko-shtet” ndërsa tha se një vend që sipas opozitës nuk ka ujë e drita, nuk mund të ishte në negociata me BE-në.
“Si mund të negociojnë ata me një vend “narko’, si mundet? Si mundet me një vend që s’ka ujë e drita”, tha Rama.
Kryeministri u shpreh gjithashtu se vendi në vitin 2013 ishte prag kolapsit, ku sipas tij në shkolla nuk kishte as shkumësa sepse nuk kishin lekë.
“Borxhi i fshehur kishte bllokuar qeverinë.
Shqipëria në 2013 ishte në fije prag të kolapsit të dytë të ngjashëm me piramidat. Borxh ndaj kompanive ishte shumë i madh. Popuplli e ka shpëtuar vendin në fije të perit.
Asnjë rrugë nuk kishte përfunduar, ishin tendera për të hapur gropa gjithandej e për t’u rënë daulleve se po punojmë. Nuk kishte shkumësa në shkolla, sepse nuk kishte më lekë.
Invalidët nuk kishin marrë më asnjë lek, 40 mln euro i kishte shteti atyre dilnin me karroca e paterica në protesta po i mbysnin në dru”, tha Rama.
Lini një Përgjigje