Shtetet e Bashkuara të Amerikës kanë reaguar shumë ashpër sot ndaj qeverisë së Kosovës.
Krerët e rinj të komunave u futën me forcë në zyrat e tyre, por duket se amerikanët janë irrituar shumë me Albin Kurtin, pas ambasadorit dhe senatorit Chris Murphy, ka reaguar ashpër Sekretari Amerikan i Shtetit Antony Blinken. Ai ka goditur drejtpërdrejt Kurtin.
“Dënojmë fuqishëm veprimet e Qeverisë së Kosovës që po përshkallëzojnë tensionet në veri dhe po shtojnë jostabilitetin. I bëjmë thirrje kryeministrit Albin Kurti të ndalojë menjëherë këto masa të dhunshme dhe të ripërqendrohet në Dialogun e lehtësuar nga BE”, shkruan ai.