Shkruar nga Pamfleti
Kryeministri i Kosovës, Albin Kurti, ka deklaruar se më 29 maj, grupet e dhunshme ekstremiste dhe kriminale në tri komunat veriore të Kosovës kanë përdorur granata dore dhe shok bomba të prodhuara në Serbi dhe të sjellura po nga ai vend.
Kurti në një postim në Twitter, ka thënë se me të njëjtat janë sulmuar ushtarët e KFOR-it, Policia e Kosovës dhe gazetarët që po raportonin për tensionet në veri.
“Grupet e dhunshme ekstremiste dhe kriminale në 3 komunat veriore më 29 maj përdorën granata dore SRB (Slavko Rudojić Bugojno) M75 dhe shok bomba RŠB (Ručna Šok Bomba) P98, të dyja të prodhuara dhe të sjella nga Serbia, duke plagosur dhjetëra ushtarë të NATO-s, policët e Kosovës dhe gazetarë”, ka shkruar Kurti.
The violent extremist & criminal groups in the 3 northern municipalities on May 29 used hand grenades SRB (Slavko Rudojić Bugojno) M75 & shock bombs RŠB (Ručna Šok Bomba) P98, both produced & brought from Serbia, wounding dozens of NATO soldiers, ???????? police officers & journalists.
— Albin Kurti (@albinkurti) June 7, 2023
Më tej Kurti ka thënë se në veri nuk duhet të ketë struktura ilegale dhe veprime kriminale, duke shtuar se vetëm me të tilla kushte mund të mbahen zgjedhjet e reja.
Kurti ka thënë pë France24 se legjitimiteti politik është i dobët për shkak të daljes së ulët në votime, porse sipas tij, pjesa tjetër atje nuk ka legjitimitet fare.
“Këta 4 kryetarë që janë zgjedhur në veri nuk do të rizgjidhen. Këto zgjedhje do të mbahen kur do të ketë ligj. Nuk mund të ketë zgjedhje të lira pa shtrirje të ligjit. Serbët kanë lënë institucionet duke menduar që sistemi ynë shtetëror do të kolapsojë, porse kjo nuk ka ndodhur. Nëse këto ndërtesa të komunave nuk janë për kryetarët e komunave, atëherë për kë janë? Ne jemi shteti më demokratik në Ballkanin Perëndimor”, ka thënë ai.
Ai ka shtuar se me Serbinë kanë arritur marrëveshje por nuk ka implementim të saj për shkak të Beogradit.
