FLASH
Shkruar nga Pamfleti
Këngëtari i njohur Dashnor Diko ka ndarë një nga rrëfimet më emocionale të jetës së tij, gjatë një interviste televizive ku u përball me kujtime të dhimbshme familjare.
I ftuar në emisionin “Galeri” në “E Diell”, ai u përlot kur në ekran iu shfaq një fotografi familjare, duke kujtuar se sot është i vetmi i mbijetuar nga njerëzit që shihen në të.
Ai tregoi se prindërit, motra dhe vëllai kanë qenë mbështetja më e madhe në rrugën e tij artistike, por njëkohësisht edhe humbjet më të rënda të jetës.
Sipas tij, motra u nda nga jeta në moshë të re, ndërsa nëna u sëmur rëndë dhe më pas humbi betejën me sëmundjen. Më vonë, ai humbi edhe babain dhe vëllain, duke mbetur i vetëm nga familja e tij e ngushtë.
“Do jepja gjithçka vetëm për një përqafim. Më mungojnë”, u shpreh ai mes emocionesh të forta.
Artisti tregoi gjithashtu se periudha pas humbjes së nënës ka qenë veçanërisht e vështirë, duke qenë ende në moshë të vogël, ndërsa më pas ka jetuar për disa vite vetëm me babain deri në krijimin e familjes së tij.
Rrëfimi i tij ka prekur publikun, duke sjellë në vëmendje historinë e një jete të shoqëruar me dhimbje të thella personale, por edhe me një karrierë të ndërtuar mbi këmbëngulje dhe talent.
Lini një Përgjigje