FLASH
Shkruar nga Pamfleti
Marrëdhënia e fortë mes Sabianit dhe vajzës së tij, Keisi, është diçka që dihet ndërkombëtarisht.
Babë e bijë ishin të ftuar në emisionin e pasdites “Rudina”, ditën e djeshme.
Këngëtari zbuloi pritshmëritë që ka për dhëndrin e ardhshëm dhe reagoi me të qeshura kur u pyet për ditën që Keisi mund të largohet nga shtëpia.
Gjatë bisedës, Sabiani tha se e vetmja gjë që pret nga partneri i ardhshëm i vajzës së tij është që ai të jetë njeri i mirë: simpatik, i përgjegjshëm dhe i përkushtuar ndaj familjes.
Ai theksoi se për të janë të rëndësishme vlerat njerëzore dhe jo aspektet e jashtme apo profesioni.
Kur moderatorja e pyeti se si ndihet teksa mendon që një ditë Keisi mund të martohet dhe të mos jetojë më me të, këngëtari u përgjigj me batutë, duke shkaktuar të qeshura në studio:
“Nuk e mbaj mendjen fare! Ose do të marr ndonjë dhëndër brenda dhe hajde! Do ta bëjmë një zgjidhje!”
Lini një Përgjigje