Showbiz13 Prill 2023, 22:47

Keqpërdori pushtetin dhe nuk mbajti premtimet, bie qeveria e Big Brother

Shkruar nga Pamfleti

Keqpërdori pushtetin dhe nuk mbajti premtimet, bie qeveria e Big Brother

Pas debateve të shumta dhe situatës së pakëndshme që ndodhi në shtëpi, Vëllai i Madh shfuqizoi “qeverinë”.

Përmes një zarfi, Big Brother njoftoi se për shkak se qeveria e Big Brother e keqpërdori pushtetin dhe nuk mbajti premtimet e dhëna, loja ka përfunduar.

Nga momenti i leximit të zarfit, të gjithë do ishin vetëm banorë në atë shtëpi, duke vijuar lojën normalisht dhe aktivitetet e përditshme.  

Pas leximit të zarfit, banorët iu “sulën” Kristit, duke i thënë se ai është fajtor për prishjen e lojës. Sipas tyre ata po kënaqeshin deri në momentin që loja u prish prej tij.

Kristi tha që ata të shkojnë t’i kërkojnë llogari qeverisë, pasi ata e prishën lojën dhe të mos merren me të, sepse në këtë mënyrë po i shtojnë pikë atij.

Jori u shpreh se Kristi është bërë i lodhshëm po me të njëjta shprehje në shtëpi. Ndërsa Bledi tha që ai nuk ka përse i shfryhet popullit, pasi ankesa ishte për qeverinë.

Ai u shpreh se qeveria është e korruptuar, ndërsa Qetsorin e cilësoi si servil, që tentoi të fuste Dean në burg.

big brother qeveria