FLASH
Shkruar nga Pamfleti
Fansat kanë mbetur të zhgënjyer në Festivalin Wireless në Londër, pasi këngëtari që mblodhi mbi 50 mijë spektatorë atje, Drake, e përfundoi performancën papritur pas vetëm 40 minutash.
Sipas agjendës zyrtare, reperi pritej të kishte dy paraqitje: një në orën 18:25 dhe më pas në 20:55 por seti i parë u anulua pa shpjegim gjatë ditës.
Në setin e rradhës Drake u ngjit në skenë 10 minuta më herët dhe i paralajmëroi fansat se do të performonte derisa t’i ndërprisnin mikrofonin, duke iu referuar ndalimit të muzikës në orën 21:30, sipas rregullave të reja të vendosura nga autoritetet lokale për ruajtjen e qetësisë publike.
Ndryshe nga pritjet dhe nga heret e tjera ku Drake ka sjellë deri në 13 artistë surprizë, në këtë performancë ai solli vetëm tre të ftuar specialë: Popcaan, Rema dhe Vybz Kartel.
Në veçanti, Central Cee, me të cilin reperi lançoi një këngë të re gjatë performancës, nuk ishte fare pjesë, por u dëgjua vetëm përmes regjistrimit, duke lënë hapësirë për spekulime mbi arsyet e mungesës së tij.
Drake u përpoq të rikthente energjinë e fansave duke interpretuar disa nga hitet e tij më të mëdha si “Controlla”, “Find Your Love” dhe “One Dance”, të cilat ishin rimiksuar për vitin 2025.
Megjithatë nuk arritën të ngjallnin reagimet që priteshin, pasi shumë fansa e kishin të vështirë të këndonin versionet e ndryshuara
Lini një Përgjigje