FLASH
Shkruar nga Pamfleti
Princi Leka II Zogu është martuar me Blerta Celibashin, sipas një komunikate zyrtare të publikuar nga Oborri Mbretëror Shqiptar.
Në njoftimin e bërë publik thuhet se ceremonia e martesës është zhvilluar në një ambient privat, duke ruajtur karakterin intim dhe solemn të këtij momenti për çiftin dhe familjarët.
Me këtë rast është publikuar edhe një fotografi zyrtare e çiftit, e realizuar në Kështjellën Apponyi në Sllovaki, një vend që lidhet me historinë e familjes mbretërore shqiptare.
Sipas komunikatës, përzgjedhja e këtij ambienti ka një domethënie të veçantë historike, pasi lidhet me trashëgiminë e Mbretëreshës Geraldinë, e cila kishte origjinë hungareze dhe mbetet një figurë e rëndësishme në historinë e familjes mbretërore shqiptare.
Pas martesës, Blerta Celibashi do të mbajë mbiemrin Zogu dhe titullin “Princeshë e Shqiptarëve”.
Njoftimi është bërë publik nga Oborri Mbretëror Shqiptar në Tiranë më 15 mars 2026.
Lini një Përgjigje