FLASH
Shkruar nga Pamfleti
Dajana Shabani ka habitur ndjekësit me urimin e veçantë që i ka dedikuar ish-bashkëshortit me rastin e ditëlindjes së tij. Fjalët e moderatores kanë tërhequr menjëherë vëmendjen, pasi marrëdhënia mes tyre duket aq e afërt, sa shumëkush mund të mendojë se ndarja nuk ka ndodhur kurrë.
"Happy birthday babi i Marlenës. Ti je arsyeja pse sot kemi një ëngjëll! Të kemi xhan, shoqja jote më besnike dhe Marlena jote", ka shkruar Dajana në InstaStory.
Nuk është hera e parë që moderatorja tregon publikisht respekt dhe mirënjohje për babanë e vajzës së saj. Edhe pse martesa e tyre përfundoi vite më parë, të dy kanë dëshmuar vazhdimisht se kanë ruajtur një raport të rrallë miqësor.
Në vitin 2021, ish-bashkëshorti i Dajanës e surprizoi publikisht me një mesazh emocional, ku shkruante se, pavarësisht ndarjes, ata kishin kuptuar se do të mbeteshin "shokë të përjetshëm". Nga ana e saj, moderatorja e falënderoi për mbështetjen që i kishte dhënë në momentet më të vështira të jetës dhe pranoi se ai kishte qenë gjithmonë pranë saj kur kishte më shumë nevojë.
Dajana ka rrëfyer më parë se vendimi për divorc erdhi pasi zbuloi tradhtinë e ish-bashkëshortit, një moment që, sipas saj, i dha fund martesës. Megjithatë, ajo ka theksuar se nuk lejoi që ndarja të ndikonte në marrëdhënien e tyre si prindër të Marlenës.
Urimi i fundit duket se konfirmon se, pavarësisht rrugëve të ndara në jetë, Dajana Shabani dhe ish-bashkëshorti kanë ndërtuar një marrëdhënie të bazuar te respekti, miqësia dhe përkushtimi ndaj vajzës së tyre, një raport që vazhdon të surprizojë publikun.
Lini një Përgjigje