Shkruar nga Pamfleti
Komisioni i Kontrollit, Etikës dhe Disiplinës i UEFA-s vendosi gjoba financiare ndaj klubeve spanjolle si Barcelona, Sevija, Real Sociedad dhe Real Betis për incidente të ndryshme në ndeshjet e fundit kualifikuese të Ligës së Europës.
Por më e rënda ka qenë gjoba financiare për Ajntrahtin e Frankfurtit që është sanksionuar me mbyllje të pjesshme të stadiumit në ndeshjen e tyre të radhës në kompeticionet evropiane dhe gjobë prej 20 mijë eurosh për bllokimin e aksesit të publikut dhe 50 mijë euro për ndezjen e flakadanëve, në ndeshjen e fazës së 1/16 kundër Napolit, e cila përfundoi me rezultatin 0-2.
Ndërkohë klubet spanjolle që u gjobitën për incidentet e ndodhura kryesohen nga Betisi, për incidentet në ndeshjen e parë të fazës së 1/16 të luajtur në Mançester Juanjtid (4-1) më 9 mars, e cila është gjobitur me 30 mijë euro për hedhjen e objekteve dhe incidentet në publik dhe me 3500 euro për ndezjen e flakadanëve.
Real Sociedad ka marrë një paralajmërim për sjellje të pahijshme nga skuadra dhe një mijë euro gjobë për ndezjen e flakadanëve në 1/16 në fushën e Romës (2-0), më 9 mars.
